Abdon Balde, Jr.

Gikan sa Bikol Sentral na Wikipedia, an talingkas na ensiklopedya

Si Abdon "Jun" M. Balde, Jr.[1] (kamundagan: Septyembre 12, 1946) saróng premyadong kontemporaneong Bikolanong parasurát sa mga tatarámon na Bikol, Filipino, asín Ingles.[2] Ginawádan siya kan Outstanding Bikolano Artists for 2009 sa kategoryang Literary Arts sa ciudad nin Naga, asín Southeast Asian Writers Awards for the Philippines sa Tailandya ngonyán na taón 2009.[3] Siyá saróng direktor kan Unyon ng mga Manunulat sa Pilipinas (UMPIL).[4] Kan taon 2012, pinangaranan siya bilang pinaka-enot na Poet Laureate kan Albay. Namundág siyá sa Busac, Oas, Albay.

Agi-agi nin buhay[baguhon | baguhon an source]

Nagtápos si Balde nin inhinyera sa Aquinas na Unibersidad kan Legazpi kun saín nagin tagapangatáman na tagapakarháy siyá kan The Aquinian.[5] ( Labí sa tolóng dekadang nagtrabaho sa lado nin konstruksyon bàgo nagbuntóg sa literatura. Siyá nagin kagáwad kan Lupon sa Wika at Salin kan Nasyunal na Komisyon para sa Kultura asin kan Arte (NCCA), opisyal kan Unyon ng mga Manunulat sa Pilipinas, asín representante kan mga parasurát sa Filipinas Copyright Licensing Society.[6] Kaapil man siya kan Kabulig Bikol Writer's Association.[7]

Kabáli sa mga librong ipinalagdâ niyá iyó an Pangarap at Pangitain, Mâyong, Hunyangong Bato, asín Calvary Road. Kan Septyembre 15, 2008 ipigbungsód an Awit ni Kadunung durante kan Manila International Book Fair sa SMX Convention Center, SM Mall of Asia, Ciudad nin Pasay. An saiyang rawitdawit na Panunlog napublikar sa librong Sagurong: 100 na Kontemporanyong Rawitdawit sa Manlain-lain na Tataramon Bikol (DLSU, 2011).

Mga pagbisto[baguhon | baguhon an source]

Kaibá sa mga pagbisto na inakò ni Balde iyó an minasunód:

  • Ikatolong Premyo, Gawad Palanca para sa halìpot na saysáy - “Supay” (2003)
  • National Book Award para sa Mayong (Fiction, 2003)
  • 2003 Rokyaw Ibalong Bikol Achievement Award in Literature (2003)
  • Juan C. Laya Award for Best Novel in a Philippine Language, National Book Award para sa Hunyango sa Bato (2005)
  • Juan C. Laya Award for Best Novel in a Philippine Language, National Book Award para sa Calvary Road (2004)
  • Lifetime Achievement Award, Premio Tomas Arejola para sa Literaturang Bikolnon (2007)
  • Outstanding Bikolano Artists for 2009 in the field of Literary Arts (2009)
  • Southeast Asian Writers Awards for the Philippines (2009)

Toltolan[baguhon | baguhon an source]

  1. ↑ An saiyang rawitdawit na Panunlog napublikar sa librong Sagurong: 100 na Kontemporanyong Rawitdawit sa Manlain-lain na Tataramon Bikol (DLSU, 2011)
  2. ↑ A rebirth of Bicol literature Philippine Daily Inquirer (Pighúgot 2009-08-25)
  3. ↑ Bikolinismo: Eleven to be honored as Bicolano Artist 2009 Bicol Mail (Pighúgot 2009-09-15)
  4. ↑ CCP Encyclopedia, Volume IX (Literature), p. 766
  5. ↑ Bicolano engineer builds name in literary world Philippine Daily Inquirer (Pighúgot 2009-11-28)
  6. ↑ Sawikaan.net
  7. ↑ Local artists liven up plaza with poetry, music[permanent dead link] Kabulig-Writers Bureau (Pighúgot 2009-08-18)

Mga panluwas na takod[baguhon | baguhon an source]

Kinua sa "https://bcl.wikipedia.org/w/index.php?title=Abdon_Balde,_Jr.&oldid=261665"