Agusan del Sur

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
REPUBLIKA KAN FILIPINAS
{{{infoboxtitle}}}
Ph_seal_agusan_del_sur.png
Rehiyon: Caraga (Region XIII)
Kapitolyo: Prosperidad
Pagkamukna: Hunyo 17, 1967
Populasyon:
Sensus kan 2000—559,294 (ika-45 pinakahalangkaw)
Densidad—62 kada km² (ika-7 pinakahababa)
Hiwas: 8,966.0 km² (ika-4 pinakamahiwas)
Mga Bangâ:
Ciudad (urbanisado nanggad)—0
Ciudad (parte)—1
Banwaan—13
Barangay—314
Distrito—1
Kinamomogtakan: Ph_locator_map_agusan_del_sur.png

An Agusan del Sur sarong provinciang likos nin kadagaan asin dai naduta' sa dagat. Ini namumugtak sa Rehiyon Caraga, sa Mindanao. An saiyang kabesera iyo an Prosperidad asin ini an mga kalinderos niya- sa amnayan paitok nin relo, Agusan del Norte, Surigao del Sur, Davao Oriental, Compostela Valley, Davao del Norte, Bukidnon, asin Misamis Oriental.

Demograpiya[liwaton | liwaton an gikanan]

Kan 2007 an probinsya igwang populasyon na 998,952 na nakaestar sa ??? kaharongan. Narepresentar ini nin densidad na 62 katawo sa sarong kilometro kwadrado na may ratio sa lalake babae na 107:100.

An dominanteng relihiyon Katolika Romana o 79% kan populasyon. Iba pang mayor na mga relihiyon iyo an Seventh-day Adventist Church, Aglipay, Iglesia ni Cristo, asin an United Church of Christ of the Philippines.

Limang grupo nin mga tribu an yaon sa probinsya: Ayta, Mamanwa, Bagobo, Higaonon asin Manobo. An mga Manobo yaon nageestar kadaklan sa mayor na highway asin sa mga banwaan sa gilid-salog pasiring sa pagdolonan kan Compostela Valley. An mga Higaonon yaon nageerok kadaklan sa parteng solnopan kan Salog Agusan, natitipon k adaklan sa Esperanza pasiring sa pagdolonan kan Bukidnon.

Masabi na an populasyon kan Agusan del Sur kadakulan mga imigrante haleng Bisaya. An pag'aragoman kan mga imigrante asin mga tinubo nagpapadikit kan bilang kan mga lumad.


Ekonomiya[liwaton | liwaton an gikanan]

Basado sa 1995 na sensus, 75% kan trabahador yaon sa sektor kan agrikultura asin pangangadlagan. An paroy, mais asin iba pang prutas iyo an mga mayor na produkto sa agrikultura.

Rekursos Pantawo[liwaton | liwaton an gikanan]

An Agusan del Sur may 287,000 na mga trabahador, kadaklan kaini yaon sa agrikultura asin pangangadlagan. May magkapira man igdi nin mga kolehiyo, may sarong unibersidad asin masabi na huli kaini igwa siya nin mga trabador na edukado, tatao magtaram sa Ingles asin madaling makanood kun kaipohan i-agi sa mga training. Dai man ini nagpapahuri sa mga bagong teknolohiya asin an mga paadalan nagtatao nin mga kurso sa teknolohiya arog kan sa Informatrion Techonology.


Agrikultura[liwaton | liwaton an gikanan]

An paroy iyo an may pinakamahiwas na tanoman. Nagaabot 243.84 km² an may patubig kaini asin 165.73 km² an sarig sa oran. Tinataya na sa enot nagusi nin 410 t/km² asin sa huri nin 300t/km². Ginagaom na an produksyon sa paroy kaya magpakakan sa 1,072,456 katawo.

An tanoman sa mais naabot 255.25 km² sa puti asin yelong mais na may total na produksyon na 55,767 na tonelada kan taon 2000 na may surplus na 31,106 MT, magkakanigo sa sobra 2 milyon katawo, o apat na beses kadakul sa populasyon kan provincia.

An batag saro man na pananom na dagya' asin lakop ini sa kahiwasan na 127.45 km². Anopaman, nahihiling ini dawa saen na sana pero bako sa pagtanom siring sa mga inektaryang paagi. Mga giniris na batag o banana chips pigproproducir man igdi.

An oil palm pigkukultibar man asin ini naokupar nin 118 km² na hiwas. An negosyo pagrorogaring nin pagbakasan kan negosyanteng Filipino-Malaysiano. Sa Rosario, asin sa Trento nagproproseso kan lanang ini.


An niyog man natatanom sa hiwas na 393.36 km².


Pagkakarne[liwaton | liwaton an gikanan]

Pag'abot sa pangangaipo sa karne, magin man sa manok, orig, baka asin iba pa, an lugar na ini maluya sa produksyon asin nagkukulang-kulang ngani. Nagkukua pa sa Ciudad nin Davao asin sa Cagayan de Oro sa paghipnô kan kakulangan.

Pagsisira[liwaton | liwaton an gikanan]

An Agusan del Sur sarig na gayo sa Surigao del Sur asin iba pang provincia sa suplay kan produktong dagat na mga sira, alagad, dagya man ini sa mga sira sa-ta'bang aroig kan hito, puyo asin tilapia.

Banga Politikal[liwaton | liwaton an gikanan]

Nababanga an Agusan del Sur sa sarong ciudad asin 13 munisipyo.

Mga panluwas na takod[liwaton | liwaton an gikanan]