Jump to content

Ai Weiwei

Gikan sa Bikol Sentral na Wikipedia, an talingkas na ensiklopedya
Ai Weiwei
Ai kan 2017
Kamundagan (1957-08-28) 28 Agosto 1957 (edad 67)
Beijing, Tsina
NasyunalidadTsino
Mga notableng giboSunflower Seeds
Beijing National Stadium
PaghiroExcessivism
AgomLu Qing
Pangaran na Intsik
Intsik艾未未
Websityo
www.aiweiwei.com Edit this at Wikidata

Si Ai Weiwei (namundag Mayo 18, 1957) sarong Intsik na artista asin aktibista sa pulitika. Siya sibot man sa arkitektura, potograpiya, pelikula y komentarista sa mga isyu sosyal asin kultural.[1][2] Siya nakisaro' sa mga arkitektong Suesya Hertzog & de Meuron bilang sarong konsultant sa pagtogdok kan Beijing National Stadium para sa 2008 Olympics.[3]. An desensyo kan stadium, na garo na tataghan nin gamgam saiyang gayong konsepto asin muknang isip. Alagad, bilang sarong aktibista hayag na natuyaw siya sa gobyernong Intsik orog na sa tindog kaini manongod sa demokrasya asin sa mga deretsong pantawo. Saiyang pinagimbestigar an korupsyon sa gobyerno, arog kaidtong iskandal sa korupsyon sa paggibo kan mga eskwelahan sa Sichuan na abang dali nagrarampaog resulta kan paglinog. [4] Kan Abril 2011, pakaaresto saiya sa aeropwertong Beijing, siya ikinulong nin sobra sa duwang bulan na mayo lamang pormal na kargong isina'ngat saiya; an mga opisyal nagtataram soboot na si Weiwei pinupugol huli sa dai pagbayad nin tamang buhis.

Buhay asin pamilya

[baguhon | baguhon an source]

Si Weiwei pinangaki sa sarong Insik na poeta, si Ai Qing na kan 1958 nakulong man asin an agom kaining si Gao Ying sa sarong labor camp sa Xinjiang kan magbungkaras sa Tsina an inapod na Anti-Rightist Movement. Kan mangyari ini, si Ai Weiwei sarong taon pa sana an edad asin siya nag'estar sa Shihezi nin 16 anyos. Kan 1975, an pamilya niya nagbalik sa Beijing.[5] Si Weiwei an naagom iyo si Lu Qing, sarong artista man.[6]

Kan 1978 si Ai nag'entra sa Beijing Film Academy asin nagklase sa lindong kan mga direktor na sinda Chen Kaige asin Zhang Yimou. [7] Saro siya sa kagtogdas kan sarong art group na sinasabing avant agarde, an "Stars", kairiba niya si Ma Desheng, Wang Keping, Huasng Rui, Li Shuang, Zhong Acheng asin Qu Leilei. Kan 1983 an grupo nagrilitikan na.[8] Pero siya aktibo sa pagbali sa mga eksibit kan grupong ini: sa The Stars: Sampolong Taon, kan 1989 duman sa Hanart Gallery, sa Hongkong asin sa Taipei. Kan 2007 nagpartisipar man siya sa sarong inapod na retrospective exhibition sa Today Art Museum, Beijing.

Poon 1981 abot 1993, siya nag'estar sa Estados Unidos, kadaklan sa Nweba York, sa pagsibot sa pagmukna nin conceptual art, na resulta sa paghira niya kan dati nang haraman na bagay.[8][9] Nag'adal siya sa Parsons School of Designs. Alagad siya may posikit na interes sa mga sugal sa baraha asin parating laman kan mga casino sa Atlantic City.[10][11][12]

Nagbalik si Ai kan 1993 sa Tsina dahelan ta naghelang an saiyang ama.[13] Duman sa Tsina katuwang siya sa pagtogdas kan grupo nin mga artista, an Beijing East Village asin siya nagpalagda' nin serye nin tolong libro manongod kaining bagong henerasyon nin mga artista: an Black Cover Book (1994), an White Cover Book (1995) asin an Gray Cover Book (1997).[14]

An Beijing National Stadium (2008 Summer Olympics)

Mga obra

[baguhon | baguhon an source]

An mga obra sa arte ni Ai napaeksibit na sa Australasia, Europa, Norte asin Sur Amerika. Mga solong eksibit ginibo na niya, kabali diyan an Stiftung DKM, Duisburg (2010); Museum of Contemporary Craft, Portland (2010); Arcadia University Gallery, Glenside (2010); Mori Art Museum, Tokyo (2009); Haus der Kunst, Munich (2009); Three Shadows Photography Art Center, Beijing (2009); Sherman Contemporary Art Foundation, Cambelltown Arts Center, Sydney (2008); Groninger Museum, Groningen (2008).[15]

Mga pinintura asin obra

[baguhon | baguhon an source]

Toltolan

[baguhon | baguhon an source]
  1. ↑ "Ai Weiwei". Wolseley Media. 2008. Retrieved 6 July 2008. [permanent dead link]
  2. ↑ Cooper, Rafi (6 July 2008). "Cultural revolutionary". The Observer (UK). http://arts.guardian.co.uk/art/visualart/story/0,,2289411,00.html. Retrieved on 6 July 2008. 
  3. ↑ "China's New Faces: Ai Weiwei". BBC News. 3 March 2005. http://news.bbc.co.uk/2/hi/asia-pacific/4298689.stm. Retrieved on 26 April 2010. 
  4. ↑ Osnos, Evan, "It's Not Beautiful", The New Yorker, 24 May 2010 pp.54–63.
  5. ↑ Merewether, Charles, Ruins in Reverse, in Ai Weiwei: Under Construction, University of New South Wales press, Sydney, 2008, pp.29.
  6. ↑ Meacham, Steve (24 April 2008). "Child of the revolution in revolt". Sydney Morning Herald. http://www.smh.com.au/news/arts/child-of-the-revolution-in-revolt/2008/04/23/1208743040711.html. Retrieved on 6 July 2008. 
  7. ↑ Blackwell, Adrian (5 December 2006). "Ai Weiwei: Fragments, Voids, Sections and Rings". Archinect. Retrieved 6 July 2008. 
  8. ↑ 8.0 8.1 "Ai Weiwei". Groninger Museum. 28 February 2008. Retrieved 6 July 2008. 
  9. ↑ Aloi, Daniel (15 November 2006). "Ai Weiwei literally smashes China's traditions in art and architecture". Cornell University. Retrieved 6 July 2008. 
  10. ↑ Wong, Edward (13 April 2011). "Arrest of Chinese Artist Angers U.S. Blackjack Players". New York Times. http://www.nytimes.com/2011/04/14/world/asia/14ai.html?_r=1. Retrieved on 22 June 2011. 
  11. ↑ Meisher, Nick (12 April 2011). "Arrested Chinese Blackjack Guru Ai WeiWei also an Artist and Activist". BlackjackChamp.com. Retrieved 22 June 2011. 
  12. ↑ "Arrest Of Ai Weiwei, Detained Chinese Dissident Artist, Angers U.S. Blackjack Players". Huffington Post. USA. 13 April 2011. Retrieved 22 June 2011. 
  13. ↑ Toy, Mary-Anne (19 January 2008). "The artist as an angry man". The Age (Australia). http://www.theage.com.au/news/in-depth/the-artist-as-an-angry-man/2008/01/18/1200620207518.html?page=fullpage. Retrieved on 6 July 2008. 
  14. ↑ Napack, Jonathan (2 August 2004). Ai Weiwei: Works Beijing 1993–2003. Timezone 8. p. 148. ISBN 978-988-97262-8-7. 
  15. ↑ Ai Weiwei, 13 May – 16 July 2011 Lisson Gallery, London.
Kinua sa "https://bcl.wikipedia.org/w/index.php?title=Ai_Weiwei&oldid=258571"