Antonio Molina

Gikan sa Bikol Sentral na Wikipedia, an talingkas na ensiklopedya

Si Antonio J. Molina (Desyembre 26, 1894-1980) sarong Artista Nasyonal kan Filipinas. Saro siya sa bantogan asin matimbang na personalidad sa lantad nin musika asin an saiyang abilidad tumbas sa dunong asin talento ni Nicanor Abelardo asin Francisco Santiago, mga Filipino man na lataw na gayo sa musika. Pinakaenot na violincellist bago maggera, siya sarong kompositor, konduktor, propesor, asin administrador sa musika.

Si Molina namundag sa Manila, aki ni Juan Molina, sarong opisyal sa gobyerno asin an ina niya iyo si Simeona Naguit. Nag'entra siya sa Escuela Catolica de Nuestra Padre Jesus Nazareno sa Quiapo asin sa San Juan De Letran kun saen nakua niya an Batsilyer en Artes kan taon 1909.

Nakua niya an saiyang diploma sa violincello sa UP Conservatory of Music kan 1923. Poon 1923 abot 1924, siya nagtener sa Hanoi, Indochina (ngonyan, Bietnam na) kun saen siya concert soloist, konduktor, asin kompositor. An saiyang mga komposisyon pig patogtog kan Exclusive Societie Philharmonique de Hanoi.

Enot niyang tokda' iyo an "Matinal" kan 1912. Siya nagtokdo man sa UP Conservatory of Music. Dangan nagin siyang dekano sa Centro Escolar Conservatory of Music. Siya man an nagtogdas kan CEU String Quartet sa lindong kan pamamahala kan eskwelahan na ini.

Sinasabi na sobra sa 500 an saiyang komposisyon, asin magkapira kani iyo an mga minasunod:

  • Hatinggabi, saro sa pinakaenot na seleksyon sa byolin
  • Malikmata, piano
  • Ana Maria, zarzuela
  • Misa Antoniana Grand Festival Mass
  • Ang Batingaw, Kundiman- Kundangan; (chamber music)
  • Kung sa Iyong Gunita, Pandangguhan; (vocal music)
  • Amihan, Awit ni Maria Clara
  • Larawan Nitong Pilipinas

Mga pagpipilang[baguhon | baguhon an source]

  • Diploma of Honor, Manila Music Lovers Society, 1940
  • Commemorative medal and diploma, Department of Education, Health and Public Welfare, 1942
  • “Choral Conductor of the Year” asin “Music Researcher of the Year,” Music Lovers Society, 1949
  • Honorary doctor of laws, honoris causa, CEU, 1953
  • Araw ng Maynila Award sa musika, 1969
  • Phi Kappa Phi Award asin an UP Alumni Association Professional Award, 1972
  • Republic Cultural Heritage Award, kan 1965 asin 1972
  • National Artist of the Philippines, kan 12 Hunyo 1973

Mga hihilingan[baguhon | baguhon an source]

  • Samson, Helen F. Contemporary Filipino Composers. Quezon City: Manlapaz Publishing Company, 1976.
  • CCP Encyclopedia of Philippine Art Volume 3. Manila: Cultural Center of the Philippines, 1994
  • Cornejo, M.R. Commonwealth Dictionary of the Philippines. Manila, 1939.
  • Galang, Zoilo. Encyclopedia of the Philippines Volume 9. Manila: P. Vera and Sons Company, 1936.
  • Manuel, E. Arsenio. Dictionary of Philippine Biography Volume 1. Quezon City: Filipiniana Publications, 1955.

Mga panluwas na takod[baguhon | baguhon an source]