Apolonio Sto. Tomas
Si Apolonio "Polon" Borromeo Sto. Tomas (1902 - 13 Agosto 1988) sarong Bikolanong parasurat, orador asin kagsurat kan librong Macauiuiling Caaguihan can Ladauan ni Nuestra Señora de Peña Francia.
Mga laóg |
[liwatón] Kaamayan kan saiyang buhay
Namundag siya sa Canaman, Camarines Sur sa mga magurang niya na sinda Ildefonso asin Josefa Borromeo. Halì sa banwaan na Iriga, Camarines Sur, naghubò nin istaran an saiyang pamilya antes si saindang kura madestino sa Canaman. Siring sa saiyang mga magurang asin mga tugang, nagserbe man siya sa simbahan komo sarong sakristan.
[liwatón] Komo parasurat
Dai nin pormal na pag-adal sa pagsurat si Sto. Tomas. Siya an nagtukdo sa sadiri tangarig magin matibay na parasurat.
Miyembro siya kan Sanghiran Nin Bikol, sarong grupo nin mga parasurat na Bikolano kun saen kaayon man an mga darakulang tawo siring ninda Casimiro Perfecto, Luis Dato, Simeon Laneta, Rosalio Imperial, Sr. asin Mariano Villafuerte.
[liwatón] Pulitika
Dayupot na amigo asin kaalyado sa pulitika si Sto. Tomas ni Mariano Villafuerte sagkod iba pa na mga pulitiko huli kan tibay kaining magsurat asin magtaram sa atubangan nin mga tawo.[1] An librong Macauiuiling Caaguihan can Ladauan ni Nuestra Señora de Peña Francia na ipinasurat kan dating gobernador[2] iyo an nagpabantog sa parasurat.[3]
Makoapo ninda Sto. Tomas asin Eugenia Sibulo an esposa kan dating alkalde kan Ciudad nin Naga na ngonyan sekretaryo na kan Department of Interior and Local Government (DILG). Mantang makoapo man ni Villafuerte asin Soledad Robredo, tugang sa ama ni Juan Lim Robredo (lolo ni Sec. Jesse Robredo), an presenteng representante kan segundo distrito kan probinsiyang Camarines Sur.[4]
[liwatón] Mga hihilngan
- Danilo, Gerona M. Canaman Through Four Centuries, Goldprint Publishing Co., Naga City, Agosto 2008
- Sto. Tomas, Apolonio B. Macauiuiling Caaguihan can Ladauan ni Nuestra Señora de Peña Francia, Imprenta Bicolana, Naga, Camarines Sur, 1932
- Sto. Tomas, Ireneo C. CANAMAN: Girà kan Banwáan Canaman, Camarines Sur (2010)
- Apolonio Sto. Tomas - Canaman.gov.ph
[liwatón] Toltolan
- ↑ Sa pahina 83 kan libro ni Danilo Gerona
- ↑ Sa pahina nin kapaliwanagan ni Mariano E. Villafuerte kan Macauiuiling Caaguihan can Ladauan ni Nuestra Señora de Peña Francia, pahina 31
- ↑ Gerona, pareho
- ↑ Political foes share Chinese ancestry
