Balayan, Batangas

An mapa kan Batangas kun saen ipinapaheling an namomogtakan kan Balayan

An Balayan sarong primera klaseng banwaan kan probinsya nin Batangas, Filipinas. Susog sa senso kan 2007, igwang 79,407 katawo na nageerok igdi.

An banwaan napapagdolonan kan Tuy sa amnayan, Calatagan asin Lian sa solnopan, Calaca sa subangan asin kan Sola' nin Balayan sa habagatan. Ini mayaman sa rekursos asin sa mga pananom arog kan mais, niyog, tubo.

Natatampok na mga piotakasi igdi iyo an "Pagparada nin Litson" truyong Hunyo 14 asin an kapiyestahan ni Snra. de Imaculada Concepcion pagDesyembre 8. Bantog man ini sa "Bagoong Balayan".

Edukasyon

Dakul man igdi nin mga eskwelahan na pribado asin pampuibliko. Yaon igdi an Balayan East Central School, Balayan West Central School asin Balayan National High School, anas pinapadalagan kan gobyerno. An mga pribadong eskwelahan iyo an Immaculate Conception College, Blessed Christ Child Montessori Foundation, Balayan Colleges, Saint Paul College Balayan, Schola Nazaria Inc.

Agi-agi

An historya kan Balayan narerekord sa mga antigong kasuratan kun saen nasasabi an mga taga-igdi nakikipasgribay nin mga bariwas sa mga negosyantgeng Intsik. Nasambit ngani na ini an kabesera kan inapod kan mga Intsik na "Ma-i"; na an apod na ini an hinalean iyo an soanoy na taramon na "Bai" na boot sabihon "harong". Sa kahaloyan nin panmahon, naghuros sa taramon na "Balay". Igdi na naggikan an pangaran kan Balayan. Siring man, arog kan dakul na banwaan sa norteng parte kan Filipinas, ini parating sinasakyada kan mga Muslim kaidtong panahon, mala ta saro sa grabing pag'atake kan huri nangyari kan katahawan kan ika-14 siglo kun kasoarin sinulo an bilog na banwaan. Nag'abot an mga prayleng Franciscano igdi kan taon 1572.

Mga Barangay

An Balayan nababanga sa 49 barangay.

Baclaran Barangay 1 (Pob.) Barangay 2 (Pob.) Barangay 3 (Pob.) Barangay 4 (Pob.) Barangay 5 (Pob.) Barangay 6 (Pob.) Barangay 7 (Pob.) Barangay 8 (Pob.) Barangay 9 (Pob.) Barangay 10 (Pob.) Barangay 11 (Pob.) Barangay 12 (Pob.) Calan Caloocan Calzada

Canda Carenahan Caybunga Cayponce Dalig Dao Dilao Duhatan Durungao Gimalas Gumamela Lagnas Lanatan Langgangan Lucban Putol Lucban Pook

Magabe Malalay Munting Tubig Navotas Patugo Palikpikan Pooc Putol Sambat Sampaga San Juan San Piro Santol Sukol Tactac Taludtud Tanggoy

Mga panluwas na takod

• Philippine Standard Geographic Code
• 1995 Philippine Census Information
• 2000 Philippine Census Information
• 2007 Philippine Census Information