Balinghoy

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
An balinghoy
An laman kan balinghoy
an dahon saka burak
Manihot esculenta

An Balinghoy (Ingles, cassava, Manihon esculenta) sarong tinanom, inaapod man kamoteng kahoy, na an saiyang laman iyo an mayor na ginigibong pagkakan sa iba-ibang klaseng pagluto. An ogbos dahon kaini ginugulay man.

An tinanom na ini ikatolo sunod sa paroy asin mais, an pinagkukuan kan carbohydrates sa ronang tropikal asin mayor na pagkakan sa sobra sarong bilyon katawo. Saro ini sa maresistensya sa panahon nin paltik asin pwedeng magtubo siya sa mga dagang panggang. An Nigeria iyo daa an nangengenot na nagproprodusir kan balinghoy asin man an Tailandya iyo man an pinakadakula na paraeksportar kan inalang na balinghoy.

An balinghoy maray na pagkuan carbohydrates pero maluya sa protina asin an dietang anas sana balinghoy pwedeng magresulta sa malnutrisyon.

May balinghoy na mahamis asin may mapait. An pagluto kaini dapat may tamang paglinig asin pag'andam ta ini, arog kan namo, pwedeng makapaling huli ta igwa siyang residual na cyanide. Ini pag giniling asin binalad, nakukuan kan inaapod na gawgaw na nasirbing pampabaskog sa mga gubing, pulot o pansalak sa pagkakan.


Mga panluwas na takod[liwaton | liwaton an gikanan]

Toltolan[liwaton | liwaton an gikanan]