Bandera kan Filipinas

Gikan sa Bikol Wikipedia, an talingkas na ensayklopidya

An nasyunal na wayaway^[1] o bandera kan Filipinas pantay na sokol nin pabalagbag na kolor asul sagkod pula, asin igwang sarong puting equilaterong triangulo na nakahandig sa gilid na takodan; sa tahaw kan triangulo iyo an bulawan na saldang na igwang walong pangenot na sirang, lambang saro kaini natatahawan nin saradit pang sirang; asin sa lambang kanto kan triangulo iyo an sarong bulawan na bituon na lima an panas. Pigpapahiling an bandera na yaon an asul sa itaas sa mga oras nin katoninongan, asin an pula itaas sa mga oras nin guerra.

Enot na pig-isip an bandera kan heneral kan Robulusyong Filipinong si Emilio Aguinaldo kan 1897 durante kan saiyang exile sa Hong Kong. Pigbali sa desenyo an ibang mga simbolo komon sa mga banderang piggamit kan Katipunan. An enot na bandera pigtahì ni Marcela Agoncillo, kan saiyang daragang si Lorenza, asin si Doña Delfina Herbosa de Natividad na sobrena ni Jose Rizal na nasyunal na heroe kan Filipinas. Sarong lehislasyon an pigpasar kan 1920 na pig-aadaptar an desenyo bilang opisyal na bandera kan Filipinas.

[liwatón] Simbolismo

Detalye kan Saldang

Susog sa opisyal na interpretasyon, an triangulong puti sa bandera an pakahulogan Kapantayan asin Pagkamagturugang; an asul na parte Katoninongan, Katotoohan, asin Hustisya; an pulang kabtang natindog para sa Patriotismo asin Kaisogan. An walong pangenot na sirang kan saldang natindog para sa walong provincia kan (Batangas, Bulacan, Cavite, Laguna, Manila, Nueva Ecija, Pampanga, asin Tarlac) na enot na nag-alsa laban sa Espanya asin ipinairarom kan mga Espanyol sa ley militar kan magbungkaras an Rebolusyon Pilipino kan 1896. An tolong bituon an natindog para sa tolong mayor na isla kan nasyon: an Luzon, Visayas asin Mindanao.

[liwatón] Uusipon

[liwatón] Mga piggamit na bandera

Banderang piggamit kan an Filipinas parte kan Nueva Espanya poon 1535 hanggan 1821.	Banderang piggamit durante kan okupasyon kan Britanya sa Filipinas poon 1762 hanggan 1764.	Banderang piggamit durante kan periodong Spanish East Indies (1821-1898).	Ang bandera kan Filipinas pig-isip ni Emilio Aguinaldo. Piggamit ini poon 1898 hanggan 1901
Banderang piggamit poon 1901 hanggan 1908 kan nyaon sa irarom kan [[Estados Unidos an Filipinas.	Banderang piggamit poon 1908, kan nagin estado kan E.U. an Oklahoma, hanggan 1912.	Banderang piggamit poon 1912, kan nagin estados kan E.U. an Arizona asin New Mexico, hanggan 1919.	Banderang piggamit poon 1919 hanggan 1981. An kolor kan asul kaini Asul Naval, siring kan sa Banderang Amerikano.
Banderang piggamit durante kan okupasyon kan Hapon sa Filipinas poon 1942 hanggan 1945.	An bandera kan Filipinas poon 1943 hanggan 1944 kan Ikaduwang Reublika kan Filipinas.	Banderang piggamit poon 1981 hanggan 1986. An kolor asul kaini Mapusyaw na Asul, siring kan sa Bandera kan Cuba na nag-alsa kontra sa Espanya kan panahon kan Katalingkasan.	Banderang piggamit poon 1986 hanggan 1998.
Banderang piggamit poon 1998 hanggan ngonian. An kolor asul kaini Royal.