Bislig

Gikan sa Bikol Sentral na Wikipedia, an talingkas na ensiklopedya
Magluksó sa: nabigasyon, hanapon
An mapa kan Surigao del Sur na ipinapaheling an namomogtakan kan syudad nin Bislig.

An Bislig City sarong ikaapat na klaseng syudad nin Surigao del Sur, Filipinas. Susog sa senso kan 2007, igwang 102,009 katawo na nageerok igdi. Ini 200 kilometro an rayo sa syudad kan Davao, 152 kilometro an rayo sa habagatan kan Tandag (an kabesera kan probinsya) asin 158 an rayo sa sur-subangan kan syudad.


An Bislig may sadit na palayogan na bagay sana sa saradit na eroplano arog kan Fokker 50 class. An mayor na padagka sa turista kaini iyo idtong Busay nin Tinuy-an, na binansagan na "Niagara Falls" nin Filipinas. An busay nagthitsurang halakbang na puting kurtina sa saiyang pagbubulos na nabulos sa tolong alontaga na an langkaw asin paghulog 55 metro. Huli sa saiyangt pambihirang gayon, masabi na iyo ini an saro sa pinakamagayon na vbbusay sa Filipinas. Mala ta itnampok ini sa sarong artikulo sa International Travel magasin.


May lokal na dyalekto igdi na ginagamit pero ngane mas lakop igdi an lenggwaheng Bisaya na Cebuano. Kan 2000, an bislig nagin nang sarong syudad..[1]

Agi-agi[liwatón | liwaton an gikanan]

An pangaran kan Bislig daa naggikan sa sarong balagon na apod bislig. Sarong aldaw daa nagbatong an Hade kaiba an saiyang agom. Pagdakit sa nagtitignarakul na salog sinda inatong kan makusog na sulog. Malalamos na kuta kun dai sinda nakakurapot sa sarong balagon asin huli kaini nakahawas sinda sa pampang. Poon kaidto pigngaranan na an lugar kan hade na Bislig.

Sa historia, an panmgaran huminale daa sa taramon na "bizlin" na boot sabihon sarong klaseng bulawan na "an kantidad duwang pesos an sarong tael". Sa sarong report kan Administrador kan Mga Rogaring Kan Kahadean na si Andres Mirandaola petsado Sept. 8, 1573na pinadara ki Haden Felipe kan Espanya nagsabi siya " tinutubod na an arog kaining klaseng bulawan dakul m,akukua sa mgas bulod-bulod asin mga bukid sa pinakaporo kan habagatan na parte kan Bislig asin sa probinsya nin Agusan.

Si Konkistador na si Miguel Lopez nasambit asin nasurat niya na Beslin (an pangaran) sa saiyang osip na “Relacion de los Yslas Filipinas” kan 152, asin siring man sa Confirmaciones de Encomienda (1616- 1700) na kan an Bislig nasa laog kan encomienda ni Alferez Juan delas Marianas, taon 1619

Sa "Historia general de los religiosos descalzos del orden de San Agustin” ni Fray Andres de San Nicolas kan 1664 sinurat niya ini na "Bislin".“ Siring man, "Historia general… del Orden de San Agustin” ni Fray Luis de Jesus pareho an pakasurat kan pangaran. Iba pang arapodan kaini kan mga Kastila, iyo an Bislig, o Bisliq. Sa sarong detalyadong mapa ni Francisco Alegre, Mapa de la Provincia de Caraga", taon 1751, nasurat man na Bislig an ngaran. Poon kaidto, natood na an mga tawo na aporon an lugar na "bislig".


Mga Barangay[liwatón | liwaton an gikanan]

An syudad nin Bislig nababanga sa 24 barangay.

  • Bucto
  • Burboanan
  • Caguyao
  • Coleto
  • Cumawas
  • Kahayag
  • Labisma
  • Lawigan
  • Maharlika
  • Mangagoy (City Downtown)
  • Mone
  • Pamanlinan
  • Pamaypayan
  • Poblacion (Bislig Proper - Seat of the City Government )
  • San Antonio
  • San Fernando
  • San Isidro (Bagnan)
  • San Jose
  • San Roque (Cadanglasan)
  • San Vicente
  • Santa Cruz
  • Sibaroy
  • Tabon
  • Tumanan

References[liwatón | liwaton an gikanan]

Mga panluwas na takod[liwatón | liwaton an gikanan]

Selyo kan Provincia nin Surigao del Sur
Mga Ciudad asin Banwaan kan Surigao del Sur
Mga Ciudad: Bislig | Tandag
Mga Banwaan: Barobo | Bayabas | Cagwait | Cantilan | Carmen | Carrascal | Cortes | Hinatuan | Lanuza | Lianga | Lingig | Madrid | Marihatag | San Agustin | San Miguel | Tagbina | Tago

Plantilya:Philippine cities