Bukid Isarog

Gikan sa Bikol Sentral na Wikipedia, an talingkas na ensiklopedya
Magluksó sa: nabigasyon, hanapon
Bukid Isarog

An Bukid Isarog mahihiling sa provincia nin Camarines Sur sa isla nin Luzon, Filipinas. Igwa ini nin langkaw na 1,976 metros (6,481 piye), asin 10,112 ektarya na hiwas. Dawa ngani dai naman nagtutuga ini, klasipikado ining potentially active kan Philippine Institute of Volcanology and Seismology na boot sabihon may posibilidad pang magtuga.

An bukid na ini makukuanan kan gabos na klaseng hayop asin mga tinanom na tubo sa Luzon. Kaiba na igdi an 143 na iba-ibang klaseng gamgam asin mga hayop arog kan opon (baboy damo), kabalang, mga kino, mga kulapnit, mga amid asin mga usa. Makukua man digdi an labis 1,300 na klaseng kahoy asin mga tinanom arog kan narra, hamurawon, huyo, labnig, mga pako, asin mga lomot.

Yaon man digdi nageestar an mga Agta asin mga tabangnon (mga mestisong agta). Nabantog an bukid na ini kan tiempong Hapon ta digdi nagkampo an Camp Isarog Guerillas, mga gerilyang pinamayuhan na Ist. Lt. Teofilo Padua asin Kapt. Faustino Flor. Yaon man sa Panicuason, sa pamitisan kan bukid Isarog, an opisina kan Mt. Isarog Protected Area Office na iyo an nagmamato kan bukid na ini.

Mga nakapalibot na banwaan sa Bukid Isarog[liwatón | liwaton an gikanan]

Kun mangyari na tumuga an Isarog giraray[nangangaipo nin toltolan], ini an hararaning munisipyo na pwedeng aboton kan bulos nin lahar sa rason na yaon sana sinda sa pamitisan kan bukid na ini: an banwaan kan Tigaon, an banwaan kan Pili orog na an Tinangis, Mayangayanga, Sta. Cruz, sa banwaan kan Goa an mga barangay kan Simra, Lamon, Turat, Pinaglabanan, Abucayan, Tagongtong, Buyo asin igdi sa Naga, an barangay kan Panicuason asin Carolina.

Mga panluwas na takod[liwatón | liwaton an gikanan]

Historia[liwatón | liwaton an gikanan]

Bulkan Sa luntiang Kadlagan:


-Mount isarog sa Camarines sur sarong dae nagdadakula asin potensyal na aktibong bulkan na nabisto huli sa pagputok kang taong 1641.Bulkang naglalangkaw na nagaabot sa 1966 na metro sa ibabaw kang dagat na ginigibong saro sa pinakahalangkaw na bundok sa kadlagan sa southern luzon. Ini mayaman sa burabod na tubig huli sa berdeng kadlagan na epektibo nangongolekta sa dakolang kantidad ng ambon hali sa pananguron na sumasakop sa halangkaw na parte. Ogwa man ining sarong dakolang porsyon sa kakadlaganan na istaran kang ribu-ribong spicies kang mga layas na tanom asin mga hayop, na ogwa ang kadaklan sa cuidad kang mga katutubo.

Mt.Isarog minanungod sa 400 kilometros timog-sirangan kan metro manila, 20 km sa sirangan kan Naga City, asin minanungod sa 100 km sa hiragang-sulnupan kan Bulkan Mayon. Ini pinagdeklara bilang sarong pang-nasyon na parke kan taon 1938.Ginamit man ini kang mga gerilya para maging taguan kan panahon kang Hapon sa WWII. Ini pinagtatakan o pinagaapod bilang Vulkan de Agua (Bulkan nin Tubig) huli sa sa kadakol na burabod asin daluyduyan na nagbubulos gikan sa tuktok kaini. Ini an responsable sa mga patubig nin kadakol nin mga umahan asin mga tanuman sa palibot kaini asin responsable man sa kapanoan kan tubig na ginagamit sa CamSur Watersport Complex o CWC.

Mt. Isarog kadakol na busay na tubig na nagsisirbing kuanan nin tubig kang mga paratukad.Ang Malabsay talon asin ang Nabuntulan talon saro sa busay na mahihiling sa lugar na ini.Kadakol ang mga species kang mga tinanom asin hayop ang mahihiling igdi kabali na ang magagayon na layas na orchids lalo na ang pinakadakulang tinanom sa bilog na nasyon ang "Rafflesia".Magingat man pag mauran nin huli man sa mga linta espesyalmente pag mauran doubleng pagiringat ang kaipuhan. Ang pagtukad baku sanang pagtao nin unra bagkos sarong experyensya makangalas na sa paghiling sa tanawon kang Rehiyong Bicol.

Ogwa man ining duwang saradit na agihan pasirang sa pinakatuktok.Ang saro sa sulnupan kang Panicuason na nagaabot sa 30 minutos na byahe sa jeep hali sa Naga.Ang saro sa sirangan eu ang Patag-tag sagkod ang jump-off point kang Tigaon, Camarines Sur. Ang parehong saradit na agihan


http://www.philippine-visit.com/mount-isarog.html