Calatrava, Romblon

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
An mapa kan Romblon kun saen ipinapaheling an kinamomogtakan kan Calatrava

An Calatrava sarong ikalimang klaseng banwaan sa provincia nin Romblon, Filipinas. Susog sa senso kan 2011, igwang populasyon na 9,726 katawo igdi.

An Bantoanon o Asi an lakop na tataramon sa Poblacion, Pagsangjan asin sa San Roque, manta pareho an Asi asin Ini ginagamit sa Talisay, Linao saka sa Pangulo. An Onhan naman ginagamit kan kadakulan na tawo sa Balogo pero totoo sa ibang sitio kaini, tinataram man an Asi asin Ini.

Agi-agi[liwaton | liwaton an gikanan]

An pangaran na Calatrava sinasabi na hale sa katagang Bantoanon "kayat" (kuriyat) asin sa tataramon na "grava" ta naabotan kan mga Kastila duman dakulon na mga dagmang na graba kun saensaen na lang. Pero an iba nagsasabi na pwede an pangaran inarog sa kapangaran na lugar sa Espanya, Calatrava La Vieja, sarong banwang soanoy namomogtak sa Camon de Calatrava. An pangaran guminikan sa Arabe Qal'at Rabah قلعة رباح ("kota' ni Rabah"), ta si Rabah sarong Arabong moslem na nagsakop kaini kan ika-8ng siglo.[1].

An mga Bantoanon iyo an enot na nagbanwa sa munisipyong ini, sarong sadit na baryo ini na dati parte kan San Agustin. An parteng amnayan kan banwaan arog kan Linao, Pangulo asin Talisay totoo dakul nang namanwaan na haraleng Romblon mismo asin dakul man mga taga-Onhan naghuros sa barangay nin Balugo, bandang habagatan kani. Sinda hale man Central Tablas.

Kan Hunyo 15, 1968 huli sa paghingoa kan si Kongresistang si Jose D. Moreno, nag'ama nin sarong bill sa Kongreso na naaprobaran bilang Akta Republika Nu. 5317 kun saen ginibo nang distrito munisipal an Calatrava. Kan Hunyo 23, 1969, an Calatrava nagin nang independienteng munisipyo sa ri'gon kan Pagboot Ehekutibo Nu. 184, sarong ley na pinagbilog nang regular na mga munisipyo an gabos na mga distrito munisipal.

Mga Barangay[liwaton | liwaton an gikanan]

Ngonyan, an Calatrava binibilog nin pitong barangay:

  • Balogo
  • Linao
  • Poblacion
  • Pagsangahan
  • Pangulo
  • San Roque
  • Talisay


Mga panluwas na takod[liwaton | liwaton an gikanan]

Toltolan[liwaton | liwaton an gikanan]

Selyo kan Provincia nin Romblon
Mga Banwaan kan Romblon
Alcantara | Banton | Cajidiocan | Calatrava | Concepcion | Corcuera | Ferrol | Looc | Magdiwang | Odiongan | Romblon | San Agustin | San Andres | San Fernando | San Jose | Santa Fe | Santa Maria