Camalig, Albay

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Mapa kan Albay na ipinapahiling an kinamomogtakan kan Camalig
Simbahan Katoliko sa Camalig
An munisipyo kan Camalig

An Camalig saróng ikatolóng klaseng banwaan sa provincia kan Albay, Filipinas. Sosog sa sensus kan 2007, igwáng 60,319 katao sa 14,611 kaharongán an nag-eerok digdí.

Uusipon[liwaton | liwaton an gikanan]

Sa pag-ultán kan 200 B.K. (Bago ki Kristo) asín 900 A.D., na iyó an periodong amay kan Iron Age, sinasabi na igwá nang mga nag-eerok sa Camalig. Nag-abót an mga Kastila kan taón 1569 sa paghanap nin masasaray na mga suplay nin kakanon. An namayó kan grupong Kastila iyó si Kap. Luis Enriquez de Guzman alagad daí man sindá naghalóy digdí, asín nagbalík tulós sa Panay.

Nareparo kan mga Kastila na dakól dumán nin mga payag-payag na mayong mga lanób asín an mga atóp tiklád na nipâ na ginagamit kan mga tinubò komo sarayán nin pananóm arog kan paroy. Mga "kamalig" an apód kan mga taga-dumán kainí, kayâ iyó na iní an duminukót na pangaran kan nasabing lugar.

An inot na naglaóg na kapadian digdí iyó an mga Augustino na sinundán nin mga Franciscano kan taón 1578. Natugdás an Camalig kan taon 1579 kan mga Franciscanong padì na sindá Fray Pablo dJesus asin Fray Bartolome Ruiz.

Heograpiya[liwaton | liwaton an gikanan]

Namumugták iní sa pamitisán kan Bulkan Mayon sa gampíng sur-sulnopan asín sakop kan segundo distrito. Napapalibotan an banwaan kan Guinobatan sa norte hanggán sa sulnopan, Daraga sa subangán asín Jovellar sa sur. Kaglimáng (15) kilometro an rayô kainí sa syudad kan Legazpi, asín 516 kilometro sa Metro Manila.

Sa hiwas na 13,088 ektarya, an 73.46% porsyento kainí gamit sa produksyon nin mga pananóm. An 751.26 na ektarya tanoman nin niyog, an 8,472.92 tanoman nin paroy asín an 390.32 ektarya tanoman kan mangibaiba pang pananóm arog kan duma, mais, abaka asin mga bungang kahoy. An natatadâ na lugar may sobrang 50% na pagkabulasok o labíng 1,000 metrong taás sa lebel kan dagat.

Ekonomiya asin Turismo[liwaton | liwaton an gikanan]

An mga industriya sa banwáng iní iyó an sa agrikultura sa pagtanóm, paggibo nin mga handicrafts, mga gubing o garments, paggibo nin mga gamit halì sa bunot-niyog, paggibo nin semento, asín mga kakanon na pigproseso. Bantóg an Camalig sa maharang niyang pinangat asín digdí pinasikad an nag-aasong kapiyestahan na inapód nindáng Pinangat Festival, na inirinorokyáw poón Hunyo 10 sagkód Hunyo 20.[1]

Mga barangay[liwaton | liwaton an gikanan]

Nababangâ an Camalig sa 50 barangay:

  • Barangay 1
  • Barangay 2
  • Barangay 3
  • Barangay 4
  • Barangay 5
  • Barangay 6
  • Barangay 7
  • Anoling
  • Baligang
  • Bantonan
  • Bariw
  • Binanderahan
  • Binitayan
  • Cabraran Pequeño
  • Caguiba
  • Calabidongan
  • Comun
  • Cotmon
  • Del Rosario
  • Gapo
  • Gotob
  • Ilawod
  • Libod
  • Ligban
  • Mabunga
  • Magogon
  • Manawan
  • Maninila
  • Mina
  • Miti
  • Palanog
  • Panoypoy
  • Pariaan
  • Quinuartilan
  • Quirangay
  • Quitinday
  • Salugan
  • Solong
  • Sua
  • Sumlang
  • Tagaytay
  • Tagoytoy
  • Taladong
  • Taloto
  • Taplacon
  • Tinago
  • Tumpa

Mga bantogan na personalidad kan banwaan[liwaton | liwaton an gikanan]

Si Gary Valenciano sinususog niya an saiyang ginikanan sa Camalig asín siring man si Ms. Boots Anson-Roa. An pinakaenot na Kongresista kan segundo distrito kan Albay na si Justino Nuyda propiong taga-Camalig.

An naghugpâ sa pahina kan Guiness Book of World Records bilang The First Sili King of the World kan taón 1999 iyó an Camalignon na si Eriberto "Bert" Gonzales, Jr. saróng visual artist asín paraboksing asín art designer sa mga jeepney sagkód comic illustrator.

Mga panluwas na takod[liwaton | liwaton an gikanan]

  • Official Website of Camalig, [1]
  • Official NSO Website, [2]

Toltolan[liwaton | liwaton an gikanan]

  1. Albay launches 3 festivals in June to boost tourism Manila Standard Today (pighugot 2012-06-25)
Tatak kan Probinsya nin Albay
Mga Syudad asin Banwaan kan Albay
Mga Syudad: Legazpi | Ligao | Tabaco
Mga Banwaan: Bacacay | Camalig | Daraga | Guinobatan | Jovellar | Libon | Malilipot | Malinao | Manito | Oas | Pio Duran | Polangui | Rapu-Rapu | Santo Domingo | Tiwi