Cecilio Press

Gikan sa Bikol Sentral na Wikipedia, an talingkas na ensiklopedya
Imprentahan Cecilio

An Cecilio Press sarong paimpretahan na tinogdas ni Gaudencio Fernando Cecilio kan 1946 asin an enot na namugtakan kaini igdi San Jose St., Bgy Sabang, ciudad nin Naga.

Susog ki Milagros Perfecto Sanchez, aki ni Casimiro Perfecto, si Gaudencio Cecilio nagin trabador ninda sa Libreria y Imprenta Mariana kan ining imprentahan nagooperar pa igdi sa Naga bago mag-guerra.

Kan nasulo' an Cecilio Press sa enot niyang lugar kan taon 1959, naghubo sa Padian St.(ngonyan Caceres St.), sa De la Rosa Bldg. Alagad, nasulo an De la Rosa Bldg., kan taon 1969 asin nakadamay an imprentahan, kaya napiritan bumalik sa dati niyang sitio, na sagkod ngonyan iyo pa an namumugtakan. Huli ta dakul siyang pinagdadarang mga publikasyon na mismo iyo siya an napuhunan, an Cecilio Press nagpabisto man sa pangaran na Cecilio Publications.

Importansya kan imprentahan[baguhon | baguhon an source]

An imprentahan na ini sa laog nin haros onseng dekada nagin saro sa makusog magpaluwas kan mga sinurat sa Bikol- mga novenario, mga pangadyeon, mga romantikang nobela na sinapi sa mga kastilang istorya, mga buhay-buhay kan mga santo, mga librito sa pagdedebosyon, mga almanake, mga obra linggwistika dapit sa tataramon na Bikol, mga manual, mga berso saka osipon sa Bikol. Ini an imprentahan na nagtaong makusog na pag-osol sa literaturang Bikolnon kan mga dekadang idto. An mga inimprenta kaining mga Bikol na materyal nakalakop pang Tiwi, Tabaco, Legazpi (Albay), Virac (Catanduanes) asin Sorsogon (Sorsogon), Daet (Camarines Norte) pati ngani sa Quiapo, Manila.

Mga ibang periodiko asin magasin kaidto kan enot igdi man pinapaimprenta asin dakul kan mga pinaluwas kaini mga reimpreso kan mga trabahong naprobaran masulong sa barakalan.

Dakul an mga parasurat sa Bikol an saiyang tinawan kusog asin baskog na magpadagos sa pagsurat. Mga parasurat kadto na nagburak asin lataw na gayo sa saindang pagsusurat iyo sa Rosalio Imperial, Sr. y Alfredo Guita kan Naga, Manuel Salazar asin Antonio Salazar kan Bombon, Camarines Sur, Clemente Alejandria kan Canaman, Camarines Sur, Luis Dato kan Baao, Fortunato Reyes, asin Lorenzo Rosales kan Naga, asin mga parasurat na hale pa sa ibang probinsya arog kan Albay, Sorsogon, Catanduanes asin maski Masbate.

Kan Hulyo 14, 1994, an pagsasadiri kan Cecilio Press nakabalyo sa saro sa onseng aki ni Cecilio, si Veronica C. Alfonso asin ngonyan yaon sa pagmanehar asin pagmato ni Manuel 'Lito' Cecilio, saiyang tugang. Sa pagsangle nin pagrorogaring, bago nang pangaran an dinadara: VCA Cecilio Printing Press. Huli ta nababaya na sa makuring kompentensya sa industriya nin imprentahan, an bagong pagrorogaring nagdugang nin Offset sa dati nindang lumang letterpress ngani makadakop nin mas dakul na kustomer.

Huli sa mahalagang ambag kan imprentahan na ini sa Kultura asin Media, pinagmarhay kan Syudad nin Naga na duholan siya nin "Special Mayoral Award" kan taon 2007, "Juan Q. Miranda Award" kan taon 2014 asin man an Ateneo de Naga University naggawad man nin pasib na "Bulawan na Bikolnon Award" kan 2014.

Mga titulo kan mga pinalagdang libro asin librito[baguhon | baguhon an source]

Sa lawig kan haros onseng dekada, an Cecilio Press pinaluwas an mga siring na obra:

1. Mga Nobena asin Pangadyeon Ki - San Ramon, San Vicente, San Jose, San Isidro, San Agustin, San Nicolas, San Roque, San Rafael, S. Judas Tadeo, S. Felina Santiago, S. P. Alcantara, S. Pedro Apostol, S. Francisco, S. Lorenzo, S. Miguel, S. Pascual, S. Benito, S. Fernando, S. Gabriel, S. Bartolome, S.Andres, S. Bernanrdino, S. Buenaventura, S. Pancracio, S.Juan, S. Gregorio, S. Pantaleon, S. San Ignacio, S. Esteban, Antonio, Sto. Cristo, Sto. Domingo, Divino Rostro. Cristo Rey, Dios Espiritu Santo, Mga Calag, Gabos na Santos, Nazareno, Del Carmen, Sta. Trinidad, Sta. Rita, Sta. Maria, Sta. Lutgarda, Sta. Elena, Sta. Lucia, Sta. Ana, Sta. Barbara, Sta. Clara, Sta. Florentina, Sta. Teresita, Sta. Justina, Sta. Isabel, Sta. Rosa, de la Porteria, Fatima, Sgda. Familia, S. Cor. de Jesus, S. Cor. de Maria. Iba pang mga Pangadyeon- Ceremonial, de la Soledad, Siete Palabras, Peñafrancia, Lourdes, Catipanan, Letania, Del Rosario, Pangidam, Decenario, Candelaria, Via Crucis, Mediatrix, Triduo S. Jose, Tri. Puso Jesus, Del Carmen, Antipolo.
2. Mga Istorya. - I Tomo. Cinderella, Bagong Kinasal, Madre Puras, Siete Flores, San Amaro, Sn. Valentin, Pangatorogan, Isabela, Agbaan Tagbaya, Guillermito, Talisman, Traviata Trobador, Magamang Pobre, Dr. Romeo, Jaime del Prado, Floreña, Agrangay, Juan B. Maria, Vicente-Antonio, Villa Aurora, Blanca Nieves, Burabod nin Bulawan, Gamgam na Kolyawan, Prognostico, Adelfa. 2 Tomo. Florentina, Cloriana, Felizardo, Tablante, Alimango, Hadeng Gadan, Juan Belarmino, Kabayong Tabla, Don Juan Tiñoso, Sta. Ana, Pantinopla, Hadeng Solomon, Bernardo Carpio, Juan del Mundo, De la Austria 3 Tomo. Doncella Teodora, Hadeng Villarba, Percival, Alejandre, Doce Pares, Aladino, Romeo & Juliet, Robinhood, Arabian Nights, Jose Vendido, 15 Misterios, Oracion ni San Antonio.
3. Mga Librong Pangadyeon. Llave nin Langit, Pinto nin Langit, Sacong Pamibi, Venite Adoremus, Gate of Heaven, Visita sa Santisimo Sacramento, Ejercicio Espirituales, Visita Sa Santisimo Sacramento
4. Mga Obra Linggwistika, asbp.- Diccionariong Bicol ki Rosalio Imperial, Sr., Gramaticang Bicol ki Rosalio Imperial, Sr., Vocabulario (Castila-Bicol-Ingles) ki Manuel Salazar, Vocabulario (English-Bicol-Castila) ki Luis Dato, Vocabulario (English-Bicol-Castila) ki Rodolfo Dato, Synonym Antonym (Bikol) ki Rosalio Imperial, Sr., , Mga Cantang Bicol, ki Rodolfo Dato, Vocabulario (Spanish-English-Bicol-Tagalog) ki Manuel Salazar, Antonyms-Riddles, Idioms sa Tataramon na Bicol ki Rosalio Imperial, Sr., Guia de Conversaciones: Bicol-English-Castila, ki Rosalio Imperial, Sr., Bikol Language Proficiency, ki Jacob C. Torres, Mga Bayaning Filipino, An 15 Martires Bicolanos, Evolucion can Bandera, Rawitdawit nin mga Puso, Mga Tigsik, Gomburza, Cutad nin Puso, Surat nin Pagkamoot,
5.Mga Manwal, Mga Susundon asin Katokdoan. Caton, Abecedario-Cartilla, Doctrina Cristiana, Arte Sa Pagbulong, Codigo Municipal, Ley can Barrio Charter, Manual nin Policia, Mga Pangatorogan: an Kahulugan, 101 Kabatiran sa Bolang, How to Write Love Letters, An Dama, Primer can Constitucion, Kalendariong Bikol
6. Mga Mayor na Palis. Noli Me Tangere, El Filibusterismo, Florante asin Laura, Robinson Crusoe, Shorab asin Rostum, Celia asin Balagtas, Negociante sa Venice, Conde sa Monte Cristo, Tolong Muskiteros, Les Miserables, William Tell, Bernardo Carpio, Ben Hur, Macbeth - anas ki Rosalio Imperial, Sr..

Mga pasib[baguhon | baguhon an source]

Mga ginunuan[baguhon | baguhon an source]

Mga Pahayag ni Manuel "Lito" Cecilio.(Abril 17, 2008)
Kalendariong Bikol, 1961, 1962, 1963, 1969, 1970, 1975
Interbyu ki Milagros Perfecto Sanchez sa Iloilo (2008)

Mga panluwas na takod[baguhon | baguhon an source]