Damulag

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
An damulag

An damulag (o karabaw, Malay: kerbau, Ingles: carabao), Bubalus bubalis carabanesis, sarong napagaro' na subspecies kan water buffalo (Bubalus bubalis) nakukua sa Filipinas, Guam asin sa iba pang parte kan Sur-subangan na Asya. An damulag pantrabahong hayop na parati gamit kan mga paraoma sa pag'arado o paggoyod kan pababa o kariton sa paghatod kan mga produktong oma sa saod.

Hitsura[liwaton | liwaton an gikanan]

An gurang nang karabaw pwede magtimbang nin walong gatos (800) na kilo asin an unit ninda patos sa mahimpis na buhok, kolor itom o abohon. Igwa sinda nin bongot (na buhok) sa angog asin sa poro kan ikog. Parati an damulag matoninong asin maboot alagad naabura' bigla' kun nakikilhagan.

Pareho an babae asin lalake tinutuboan nin halaba na songoy. Ini mayo nin pagànotan na glands (sweat glasnds) Nagpapalipot sinda sa paglogbo sa tubogan o sa laboy. Napatos sinda kan laboy sa tuyong bako sana malipotan kundi ngane dai pagparakagaton kan mga insekto.

An damulag nagsasabsab nin doot (awot) asin ibang mga tanom na parati ginigibo ninda kun malipot pa an aldaw, agang amay o hapon nang nagsisinarom. An damulag pigkukuan man nin gatas o binubuno' huli ta makua an saindang unit (kublit) asin karne. Naabot 20 taon an buhay kaini asin an babae taon-taon pwede mag'ogbon.

An damulag tubong hayop sa Sur-subangan na Asya.

Mga panluwas na takod[liwaton | liwaton an gikanan]

  • Carabao Festival sa Pulilan, Batangas- [1]
  • An damulag pigtampok sa blog- [2]