Danilo Gerona

Si Danilo Gerona kan Ateneo de Naga na Unibersidad

Si Danilo "Danny" Madrid Gerona (namundág kan Hulyo 18, 1960 sa Canaman, Camarines Sur) saróng Bikolanong historyador, profesor asín an kagdiskobre kan petsang Mayo 27, 1579 komo aldaw nin pagkamukna kan provinciang Camarines.

Siya dating profesor sa Ateneo de Naga na Unibersidad asin Direktor kan Instituto sa Historya asin Kultura nin Bikol (Institute of Bikol History and Culture) sa nasabing kolehiyo. Hararom an saiyang adal dapit asin orog na sa kasaysayan kan amay na pagkolonya kan mga Espanyol igdi sa ronang Bikol. Dakul na siyang mga papel na binasa sa mga internasyunal na mga forum asin mga tiripon nin mga historyador sa iba-ibang nasyon.

Pag-aadal

Nag-adal si Gerona nin elementarya sa Canaman Central School asin ipinadagos an sekundarya sa University of Nueva Caceres.

Magpapadion kuta siya komo sarong Heswita, alagad pakalihis nin duwang taon, dai na nagpadagos. Nakua niya an titulong Batsilyer asin Master nin Arte sa Pilosopiya sa Ateneo de Manila na Unibersidad asin Doktor nin Pilosopiya sa Philippine Studies (History) sa Unibersidad kan Pilipinas.

Siya bako sanang maray magsurat asin maglektura sa Ingles, kundi kasi parehas an pakanood niya kan tataramon na Espanyol. Tatao man siyang magtaram Pranses asin may pakasabot man kan lenggwaheng Aleman.

Pagsurat

Inspirasyon ni Gerona sa pag-adal nin historya si Domingo Abella. Dakol nang naisúrat ni Gerona gabos manonongód sa kasaysayan:

Libro

• From Epic to History: A Brief Introduction to Bicol History, Ateneo de Naga (1988), 223 pahina
• Naga: The Birth and Rebirth of a City, kapwa-parasurat: Jose Fernando P. Obias, LGU Naga (2003), 178 pahina
• Recuerdos de Mi Colegio, sarong historical coffee-table book manonongod sa Universidad de Santa Isabel
• Canaman Through Four Centuries, uusipon kan banwaan nin Canaman poon 1583 hanggan 1983, Goldprint Publishing Co. (2008), 129 pahina
• Albay:Winding Down the Historic Abaca Trail. Provincial Government of Albay (2011). 313 pahina

Papel

• Folk Memory and Colonial Discourse: House Construction and the Rise of Catholic Family in the Rural Philippines (1600 – 1850)
• The Pre-Hispanic World of Naga. Nakalakip sa, "Camarines by the Vicor River: A compilation of Articles On Bikol History and Culture". 1999. The Office of the Governor. Province of Camarines Sur. pahina 11-19.
• The Early Evangelization of the Bikol Region (1569-1598). Nakalakip sa, "Camarines Sur by the Vicor River..." pahina 41-49.
• The Creation of the Province of Camarines Sur (May 27, 1579). Nakalakip sa, "Camarines Sur by the Vicor River..." pahina 50-57.
• Canaman: Birth and Growth of a Town. Nakalakip sa, "Camarines Sur by the Vicor river..." pahina 58-67.
• The History of Education in Kabikolan. Nakalakip sa, "Camarines Sur by the Vicor River..." pahina 79-86.
• Abaca Industry in Bikol in the 19th Century. Nakalakip sa, "Camairines Sur by the Vicor River..." pahina 87-95.
• A Brief History of Bikol Research in Spain (binasa sa sarong tiripon)
• The Galleon Trade (Binasa sa National Conference on Bikol History and Culture, Okt. 21-23, 2009)

Mga pigsusurat na libro

• Typhoons in Kabikolan (1600-1850): Cultural Construction and Institutional Intervention

Mga naresibing onra

• Kaogma Festival Hot Shots-Arts and Culture, Local Government of Camarines Sur, 2005
• Outstanding Bicolano in Civic Development, Dr. Melchor T. Villanueva (MTV) Awards, 2007

Mga hihilngan

• Profiles of “Hotshots” Awardees
• 17th-century artistry in Naga church artifacts
• The vanishing identity of the Agta people

Mga panluwas na takod

• Lista kan mga paratokdo sa Ateneo de Naga na Unibersidad