Dean Martin

Gikan sa Bikol Sentral na Wikipedia, an talingkas na ensiklopedya
Si Dean Martin
Dean Martin Show 1958

Si Dean Martin (Hunyo 7, 1917 - Desyembre 25, 1995) sarong Amerikanong parakanta, aktor sa pelikula asin komedyante. Siya midbid na maray na saro sa mga artistang musikal kan mga taon 1950 asin 1960. Sa mga nagtama niyang mga solo an kairiba iyo an "Memories Are Made Of This", "That's Amore", "Everybody Loves Somebody", "Mambo Italiano", "Sway", "Volare" and "Ain't That A Kick In The Head?". Saro siya sa lider kan inaapod na "The Rat Pack", asin mayor na artista sa apat na lugar kan show business: concert stage, recordings, pelikula, asin telebisyon.

Nabansagan na "King of Cool", si Dean Martin nagin sarong pop culture icon para sa saiyang sadiring klaseng musika, saiyang karisma asin saiyang bisyo nin pag'iinom dawa totoo an kapot niyang baso sa mga pasali an laog apple juice. Respetado siyang maray maski saen magduman asin baga sarong embahador kan komunidad kan mga Italyano-Amerikano.