Ferdinand Magellan

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Si Fernando de Magallanes

Si Ferdinand Magellan (Espanyol: Fernando de Magallanes; Portuges: Fernão de Magalhães), (1480 - 27 Abril 1521) sarong maritimong eksplorador na Portuges, na kan yaon sa serbisyo kan Koronang Espanyol, naghingoa na makahanap nin pasolnopan na ruta pasiring sa Malacca, Indonesia. Huli kaini, siya an enot na persona na namoon nin ekspidsyon baktas sa Kadagatan Pacifico. An ekspidsyon iyo man an enot na pagngata' na nakaantos sa paglikos kan Kinaban na natala sa Salaysay. Dawa ngane dai niya nakumpleto an enterong byahe (nagadan siya sa Sagupaan sa Mactan, Filipinas), enot pa kaidto nakadangtol na siya sa Malacca paagi nin pasubangan na ruta kaya kumbaga nasumpay niya an saiyang paglikos sa duwang magkaibang panahon nin paglayag.

Si Antonio Pigafetta may makolor na salaysay kan biyahe ninda na Magellan pasiring sa Kadagatan Pacifico kun saen, pagdangtol sa Filipinas si Magellan natigbas asin nagadan kan siya pigsururogan kan mga kabwan ni Lapu-Lapu.

Mga panluwas na takod[liwaton | liwaton an gikanan]