Gulay na santol
An gulay na santol sarong luto kan bunga nin santol.
An pagluto
An bungang santol inuubakan, kinukudkod sagkod na mapino dangan hinuhugasan nin tolong beses saka pinuga-puga ngane mahale an alsom, pulot asin sakrot. An ikaapat na paghugas pinupuga nin husto na garo nagbiring nin linabahan ngane mahale an tubig. An laman sana nanggad kaini an kinukua sa pagluto; walat an pisog asin an nagpapatos sa pisog na molomhok na kunab.
Sa apat na kumol kan santol ini an proporsyon. Sa kawali ikakaag an giniris na sibulyas, bawang,laya, dangan babangotan ninbalaw asin mga piridasong karne. Alagad, imbes na balaw, pwede man an ibangot dini'lan. Tapos maguta nin niyog matakad nin saro may kabangang cup kan lasaw pero mapalaen naman nin sarong cup na lipotok kan guta. I'ula na an lasaw na guta sa kawali saka medyo aloyooy sana an kalayo. Halaton na maluto an karne saka balaw asin maririsa na luto na ini ta may nadurukot nang maputi sa gilid kan kawali saka naglalana-lana na. Pag naabot na an paglana, saka naman i'ula an sarong cup na lipotok na guta. Sa enterong prosesong ini, dai pabayaan. Pirming pag'ukagon ta madurukot an linuluto sa kawali saka matototong.
Pwede man salakan an luto nin giniris na sili ngane may kagat talaga sa namit.
Luto na an santol kun sayod na naglalana-lana na.
Mga panluwas na takod[baguhon | baguhon an source]
- http://mytwistedrecipes.blogspot.com/2011/07/kulinarya-cooking-club-pork-sinigang-sa.html Kusidong santol. Kinua 6-08-13
- http://www.all-about-philippine-fruits-and-herbs.com/Medicinal-Use-of-Santol.html Archived 2013-08-17 at the Wayback Machine. Mga gamit sa medisina. Kinua 5-08-13