Guyabano

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
An guyabano
Arak guyabano, Pili, Camarines Sur
guyabanong tinanom
Bunga kan guyabano

An guyabano (Annona muricata; syn. A. sericea Dunal sa Correia, M. P., (1984), A. macrocarpa Wercklé, A. bonplandiana H.B. & K., A. cearensis Barb.Rodr., A. coriacea, Guanabanus muricatus (L) sarong klaseng tinanom na tubong tal sa Mehiko, Sentral Amerika, sa Caribbean, asin sa amihanan kan Sur Amerika. Ngonyan, nagtutubo na sa dakul na parte kan Sur Subangan na Asya.

An guyabano angay sa mga lugar na halangkaw an pagka'alumahad asin sa mga mainit na imbyerno (winter), anoman na temperatura hababa sa 5 *C makawsa nin pagkaraot kan mga dahon asin mga sanga-sanga asin sa temperaturang hababa pa sa *3 C pwedeng ikagadan na kaini.

An namit daa kaini maibaing sa pinagsalak na namit kan pinya asin strawberry na nagrarani sa namit man kan mga aranghita, na may malomhok na mapulotpulot na panamit asin pagkagat siring sa tipong asin batag. An prutas na ini medyo mapawot kakanon ta an balodbod niya pano nin mga darakulang pisog, an mga matagok na laman niya na nagdadamilot napalibotan nin mga ma'awat na membrano. Mas marhay pa logod na ini pugaan kan tagok niya na inomon kisa direktang ra'ngoton. An guyabano ginigibohan naman nin arak.

Bulong sa mga kondisyon medikal[liwaton | liwaton an gikanan]

Sinasabing an guyabano mabantig na panlaban sa mga kanser na helang, 10,000 na beses mas maratom daa sa chemotherapy, makusog na paragadan sa mga impeksyon huli sa mikrobyo o fungus, pinapatibay an immune system laban sa mga mararang impeksyon na pwedeng ikagadan.[1][2][3]

Mga panluwas na takod[liwaton | liwaton an gikanan]

  • [1] Mga pakinabang kan guyabano. Kinua 15-03-15.
  • [2] An guyabano. Kinua 15-03-15.
  • [3] Ano an graviola. Kinua 15-03-15.

Mga arapodan sa iba-ibang lugar[liwaton | liwaton an gikanan]

  • Ingles- soursop
  • Kastila- guanabana
  • Portuges- graviola


Toltolan[liwaton | liwaton an gikanan]