Hong Kong

Gikan sa Bikol Sentral na Wikipedia, an talingkas na ensiklopedya
Magluksó sa: nabigasyon, hanapon
13-08-09-hongkong-by-RalfR-063.jpg
An wagayway kan Hong Kong
An emblem kan Hong Kong
An Hong Kong kun banggi, tinata'naw sa itaas kan Victoria Peak
Mapa kan kinaban na ipinapaheling an kinamomogtakan kan Hong Kong
Detalyadong mapa kan Hong Kong

An Hong Kong (Intsik: 香港; ) saro sa duwang espesyal na ronang administratibo kan Popular na Republika kan Tsina, an saro pa kaini iyo an Macau. Namomogtak sa kosang habagatan kan Tsina, asin nalilikosan kan Pearl River Delta saka kan Dagat Habagatan nin Tsina, ini bantog sa hararom niyang pantalan asin halawig na skyline. An Hong Kong saro sa pinakadusok sa populasyon sa kinaban asin igwa ining hiwas na 1,104 km2 (426 sq mi), may nageerok igding 7 milyon katawo. [1]. Nubenta pursyento kan namamanwaan mga etnikong Intsik, an 5% hale sa ibang grupo.[2]An Intsik na Han na iyo an mayoriya, kadaklan gikan mansana sa mga siyudad nin Guangzhou asin Taishan, na sakop kan probinsyang Guangdong.[3]

An Hong Kong nagin sarong kolonya kan Imperyong Briton pakatapos sana kan "Enot na Gerang Apyan" (1839-42). Dati an pagdolonan kaini limitado sana sa Isla nin Hongkong alagad pinalakbang ini sa sunod-sunod na pag'entra kan pwersang Briton sa Kowloon Peninsula, dangan sa inapod na New Territories kan taon 1898. Ini sinakop kan Hapon kan magputok an Ika-2 Gerang Pangkinaban dangan nakabalik sa kontrol kan mga Briton hanggan taon 1997. Kan taon na iyan binutsan na kan mga Briton asin ini nabalik na sa irarom kan soberania kan Popular na Republika kan Tsina. An polisya na pigpasunod igdi kan gobyernong sentral kan Tsina iyo an pagrespeto sa dating sistemang pinapasunod sa Hong Kong asin minimong interbensyon sa pagpalakaw kan gobyerno lokal dawa totoo nagkaigwang reporma pinasunod ini kan taon 2009. Palibhasa an Hong Kong haloy na napa'irarom sa sistemang Briton, an kultura igdi tagob sa impluensyang Solnopan asin an Ingles komun na nahihiling sa mga karatula asin dakul man na Intsik an tataong magtaram kan tataramon na ini huli ngane ta Ingles dati komun na ginagamit sa sistema kan edukasyon.

Sa irarom kan prinsipyong "Sarong nasyon, duwang sistema pulitika", an Hong Kong iba an ipinapasunod na sistema pulitika, asin iba mananggad kan sistema sa Kadagaan Tsina. An inapod na "Basic Law kan Hong Kong", an dokumentong konstitusyonal, na nagboboot na an Hong Kong dapat igwang "halangkaw na gayong autonomiya" sa gabos na bagay maliban sana sa panluwas na relasyones asin sa depensa militar, iyo an namomoon sa sistema pulitiko igdi.[4] Dawa ngane igwang nagkukusog na multi-partidong sistema, sarong sadit na sirkulo nin elektorado iyo an nagkokontrol kan kabanga kan lehislatura. An Komite Elektorado na binibilog nin 800 katawo iyo an napili kan Pamayo (Chief Executive) kan gobyerno.[5][6]

Hong Kong Skyline Panorama - Dec 2008.jpg

Mga panluwas na takod[liwatón | liwaton an gikanan]

Toltolan[liwatón | liwaton an gikanan]