Imelda Marcos
Si Imelda Marcos (namundag Imelda Remedios Visitacion Trinidad Romualdez[1] kan (Hulyo 2, 1929) sarong Filipinong pulitiko asin siya an balo kan ika-10 Presidente kan Filipinas na si Ferdinand Marcos. Siya nagkapot nin manlaenlaen na pwesto sa administrasyon kan saiyang agom hanggan 1986. Siya man an kaenotenoteng pulitiko na nagkapot nin pwesto sa tolong distrito sa iba-ibang lugar bilang representante sa Lehislatura kan Fil;ipinas (Manila, Leyte, Ilocos Norte). Kan taon 2010, siya naelehir bilang Kongresista pigrerepresentar an ika-2ng distrito nin Ilocos Norte. Nasasambit siya kun minsan sa bansag na "Mariposang Batbat" o "Mariposang Asero" asin naroromdoman na gayo bilang simbolo kan kasamwangan na nangingimbabaw sa panahon nin pamomoon kan saiyang agom arog halimbawa kan saiyang natipon na 2,700 na padis nin sapatos.
