Iskandalo sa pagdururogan

Gikan sa Bikol Sentral na Wikipedia, an talingkas na ensiklopedya

An Iskandalo sa pagdururogan iyo an sarong iskandalong nabuyagyag sa soboot mga pagdururogan, orog na nin bako man mag'agom, na dapat irirong asin itago sana ta bakong tama sa paghiling kan publiko. An aktibidad kan imbwelto pwedeng immoral, sala sa tamang gawe o makanos na maaraman kan ibang tawo. An iskandalo parati nadadamay an mga popular o mga prominente, o mga celebrity na an buhay haros yaon na pirmi natotorohokan huli ngane kan saindang kabantogan. Parati an laman kan siring na mga iskandalo iyo an mga artista sa pelikula, mga atleta, mga pulitiko o mga tawong pighuna imahe nin kabanalan o toltol na pamumuhay pero may tinatagong kalokohan palan. Pwede man mangyari na an iskandalo bunga kan an saro sa imbwelto pinirit sa siring na aktibidad na dai man siya nag'ooyon o huli ta menor de edad. An iskandalo totoo pwede tunay na basado sa katotohanan o produkto mansana nin mga pagduhagi o paglibak o may pagkatotoo pero napatos sa dagdag na mga kaputikan.

Sinasabi na an mga iskandalo na nakakadamay an mga pulitiko pwede magputok na iskandalo pang pulitikal orog na daa kun pigririrong ta pwedeng bako sanang immoral kundi sarong ilegal na aktibidad.





Toltolan[baguhon | baguhon an source]