Jerry Adrados
| Jerry Escoto Adrados | |
|---|---|
 | |
| Minundagan | Nobyembre 6, 1951 Sabang, Calabanga, Camarines Sur |
| Kagadanan | Pebrero 5, 2014 Syudad nin Tabaco, Albay |
| Kasibotan | Empleyado, parauma, musiko |
| Nasyunalidad | Filipino |
| Lahì | Bikolano |
| Alma mater | Unibersidad kan Nueva Caceres |
| Genre | Rawitdawit |
| Bantog na gibo | Daratangan na Olay: Common Language of Bikolnon (2012) |
| Mga bantog na gawad | Sumaro Bikolnon |
Si Jerry Escoto Adrados (Nobyembre 6, 1951-Pebrero 5, 2014) sarong Bikolanong parasurat, pararawit, asin kagbilog kan Daratangan na Olay: Common Language of Bikolnon (2012), sarong diksyunaryo kan Bikol Sentral na tinamparan kan sa tataramon na Ingles asin Tagalog. Namundag sa Sabang, Calabanga, Camarines Sur, siya nag'adal sa sekundarya asin kolehiyo sa Siyudad nin Naga, nag'estar sa Gubat, Sorsogon asin sunod man sa Syudad nin Tabaco, Albay. Siya nagin myembro kan An Banwa: Kultura buda Artes kan Tabaco, Sumaro Bikolnon asin Parasurat Bikolnon.[1][2]
Agi-agi kan buhay[baguhon | baguhon an source]
Si Adrados nagkua kan elementarya sa Sabang Elementary School, Calabanga, Camarines Sur, dangan kan saiyang sekundarya asin kolehiyo (Sp) sa Unibersidad kan Nueva Caceres, Siyudad nin Naga. Nagtapos siya kan kursong Batsilyer kan Artes sa Pamamahala nin Negosyo (Business Administration).
Nagtrabaho siya sa manlainlain na ahensya nin gobyerno kun sain an pagsurat asin dokumentasyon nin mga report kinakaipo arog kan pagtrabaho niya sa opisina kan Gobernador nin Camarines Sur bago siya nadestino sa Bulacan. Naglelektura man komo resource person sa mga unibersidad asin kolehiyo sa probinsya nin Albay. Siring man, siya nag'erok mga sampulong taon sa Norzagaray, Bulacan nin huli ta nagtrabaho siya sa Holcim Philippines Inc. bilang Community Relations Officer.
An saiyang interes yaon sa mga tinanom na herbal, pagsukit kan mga pangaran kan manlaenlaen na tinanom asin mga hayop sa dagat o sa kadagaan man, pagtukda' nin mga kantang Bikol/Tagalog asin mga rawitdawit. Mahigos man siyang nag'aadal sa kultura kan rona nin Kabikolan.
Gamit an tradisyonal na porma nin rawitdawit na surukol asin sarambit, nagkapira sa saiyang mga panurat dapit sa pagkamoot asin erotika. Nagin tagaambag man siya sa mga magasin na kultural arog kan Salugsog sa Sulog, Burak asin Haraya. Sa pagmidbid kan saiyang kakayahan asin makahulogan na ambag sa kulturang bikolnon, si Adrados ginawadan postuma kan Sumaro Bikolnon nin sarong Plaka nin PagpaDios Mabalos kan ika-25 nin Oktobre, 2014, na ginibo sa Champagne Garden, Syudad nin Naga.
Kataytayan nin ladawan[baguhon | baguhon an source]
-
Diksyunaryo ni Adrados -
Mga rawitdawit ni Adrados -
Plake para ki Adrados
Toltolan[baguhon | baguhon an source]
- ↑ Literary Folio: Salugsog sa Sulog Oragonrepublic.com Tomo I (2005) pahina 11
- ↑ MAGBIRIKOL KITA: Ni Pay Henry Bicol Mail (pighugot [[2014]-2-6)
