Jose Maria Panganiban

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Si Jose Maria Panganiban
Momumento ni Jose Panganiban sa Naga Central School 1

Si Jose Maria Panganiban (1 Pebrero 1863 - 9 Agosto 1890) propagandistang Pilipino. Katuwang an ibang propagandista, pighingoa niya na mapukawan an mga kahimanwa niya sa mga pang-aabuso asin pang-aapi kan mga Kastila igdi sa Filipinas. Mahusay magsurat asin magdiskurso, madunong nanggad, siya taga-ambag sa peryodikong La Solidaridad na kun saen pigtotolod niya an dapat na mga reporma sa mga palakaw kan mga Kastila sa pag'administrar kan Filipinas.

Siya namundag sa Mambulao na iyo an Jose Panganiban, Camarines Norte ngunyan.

Pagromdom ki Panganiban[liwaton | liwaton an gikanan]

An monumento ni JOMAPA binagong pintura kan Pebrero 2014

Kan Septyembre 22, 1930 an Naga Parents Teachers Association, sa pamamayo ni Casimiro Perfecto, sa simpleng programa, binuksan an saklob sa hinaman pa sanang monumento ni Jose Ma. Panganiban sa sarong akto nin pagtaong onra sa heroe. Ini itinindog asin namomogtak sa natad kan Naga Central School I sa syudad nin Naga.[1] An rebultong ini, na ginibo kan iskultor na si Tomas Zamora, iyo an pigtutubod na pinakaenot na rebulto na hinaman sa pag'onra ki Panganiban, mala ta idtong monumento na itinindog para saiya mismo sa banwaan kan Jose Panganiban, Camarines Norte, nagibo mansana kan taon 1985.

An kalye na pasiring asin nasumpay sa Concepcion Pequena na dati inapod Kalye Legazpi kan panahon Kastila, saiya man ipigngaran na. An kalye na ini, Kalye Panganiban saro sa pinakahalaba na tinampo sa siyudad.

Mga panluwas na takod[liwaton | liwaton an gikanan]

  • Pabisto ki Jose Ma. Panganiban- [1]

Ginonoan[liwaton | liwaton an gikanan]

  • An retrato sinapi' sa "Bikol Maharlika". Jose Calleja Reyes. p. 236.


Toltolan[liwaton | liwaton an gikanan]

  1. Sanghiran nin Bikol, Sept. 27, 1930, sinapi sa Meliton Scrapbook, Museo kan University of Nueva Caceres