Juan Ponce Enrile

Gikan sa Bikol Sentral na Wikipedia, an talingkas na ensiklopedya
Magluksó sa: nabigasyon, hanapon
Si Juan Ponce Enrile

Si Juan Ponce Enrile (pinangaki Pebrero 14, 1924 sa Gonzaga, Cagayán) sarong Filipinong pulitiko. Siya, katuwang si Fidel Ramos, an nagbungsod kan inapod na EDSAng Rebolusyon ("People Power") na iyo an pangyaring kun saen napiritan maghale sa poder si Presidente Ferdinand Marcos. Siya sa presente sarong senador asin kan Nobyembre, 2008 iyo an napiling magin Presidente kan Senado kasalida ni Manny Villar.

Si Ponce Enrile nagkua kan kursong Bachillerato de Derecho ('Bachelor of Laws') asin nagraduar cum laude sa Unibersidad kan Pilipinas. Dati nagsirbe sa irarom kan administrasyon ni Ferdinand Marcos kun saen nagin siyang Sekretaryo sa Hustisya (1968-1970) asin Sekretaryo sa Depensa. Igdi sa huring katongdan niyang ini kan siya nagrebelde asin nagtumang ki Marcos, na iyo an nagsabrit sa Edsang Rebulosyon.

Si Enrile namundag Juanito Furagganan ki Petra Furagganan, aki nin sarong tios na parasira. Aki siya sa luwas kan si poderosong pulitiko kan Cagayan, si abogadong Alfonso Ponce Enrile. Nakasaro niya sana an ama niya kan siya nag'aadal na sa haiskul.

An agom niya iyo si Cristina Castañer asin an pagsasaro ninda nagbunga nin duwang aki: si Juan C. Ponce Enrile, Jr. asin si Katrina C. Ponce Enrile.

Mga panluwas na takod[liwatón | liwaton an gikanan]

Toltolan[liwatón | liwaton an gikanan]