Jumbo Kingdom

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
An Jumbo Floating Restaurant
Tai Pak Floating Restaurant

An Jumbo Kingdom ("Tandayagon na Kahadean") (tradisyonal na Intsik: 珍寶王國 Jumbo Kingdom (tradisyonal na Intsik: 珍寶王國) binibilog kan Jumbo Floating Restaurant (珍寶海鮮舫) asin kan kataid na Tai Pak Floating Restaurant (太白海鮮舫), mga bantogan na panturistang atraksyon namomogtak sa Aberdeen South Typhoon Shelter (Pailihan sa Bagyo kan Aberdeen), sa laog kan Aberdeen Harbour (Doongan nin Aberdeen) sa Hong Kong. Sobra na sa 30 milyon na bisita an nagsungko sa Jumbo Kingdom, y kairiba na diyan si Reyna Elizabeth II, John Wayne, Tom Cruise, Chow Yun-fat asin si Gong Li.[1] Igwa man kuta nin Jumbo Kingdom Manila sa Sola nin Manila, Filipinas, alagad isinara pakalihis nin walong taon. An Jumbo Kingdom yaon sa lindong kan Melco International Developpment, Limited, sarong kompaniya na nakalista sa Hong Kong Stock Exchange.

Historya[liwaton | liwaton an gikanan]

An mga naglalataw na restoran nagtunga sa pailihan-sa-bagyo pakalihis sana kan ika-2ng Gerang Pangkinaban. An Sea Palace Floating Restaurant ipinabakal asin ginoyod pasiring Australya.

An Tai Pak Floating Restaurant tinogdas kan 1952.

Kan Oktobre 30, 1971, kan ini pigtotogdok pa sana, may nangyaring kasulo sa Jumbo Floating Restaurant, bago siya binuksan sa publiko, asin 34 trabahador an nagkagaradan.

An Jumbo Kingdom tinogdas ni Dr. Stanley Ho kan Oktobre 1976, asin ta apat na taon, sobra sa HK$30 milyon, an nakonsumo sa pagdesensyo asin pagtogdok kaini. Dati an dekorasyon kaini garo sarong antigong Intsik na palasyo.

Kan 2000, duwang panggoyod na bapor an nagdara kan saro sa naglalataw na restoran haleng Aberdeen Harbor pasiring sa Sola kan Manila asin pigngaranan na "Jumbo Kingdom Manila" pero hinale man giraray ini duman asin ibinalik sa Hong Kong.

An Jumbo Kingdom nag'agi nin multi-milyon na paghirahay kan 2003 na ginibo na ining sarong theme park kun saen an lugar igwa nang kakanan, saodan, dalandalanan asin mga atraksyon kultural.

Mga Panluwas na Takod[liwaton | liwaton an gikanan]

Toltolan[liwaton | liwaton an gikanan]