Kadagatan Atlantiko
 | An artikulong ini dai nagsasambit nin ano man na ikatolong partidong ginonoan o ginikanan. Tabangi tabì na mapakarhay ining artikulo sa paagi kan pagdugang nin katobod-tobod na ginonoan. An mga materyal na dai napatotoohan pwedeng kwestyonon asin halion. (Mayo 2008) |
An Kadagatan Atlantiko iyo an ikaduwang pinakadakulà sa mga pankadagatan na bangâ sa kinàban. Sa kagabsan na sokol na 106.4 milyon km² (o 41.1 milyon m²) 106,460,000 km2 (41,100,000 sq mi),[1][2] sakop kaini an poco mas o minus kalimahan kan ibabaw na parte kan kinàban.
Inookopar kan Kadagatan Atlantiko an palabang korteng-S na kabàban pabalagbag sa tahaw kan Amerika Norte sagkod Sur sa sulnopan asin Eurasya sagkod Aprika sa subangan.
Heograpiya
[baguhon | baguhon an source]An Kadagatan Atlantiko napapalibotan kan Amerika Norte asin Sur sa sulnopan. Sa norte hasta norte-subangan, nasusuhay ihi kan Arkepelagong Arktiko kan Canada, Greenland, Iceland, Jan Mayen, Svalbard asin kadagaan na Europa sa Kadagatan Arktiko. Sinusumpay ini sa Kadagatan Arktiko sa paagi kan Itiot kan Denmark, Dagat Greenland, Dagat Norway asin Dagat Barents. Sa subangan, an mga sundoan kan kadagatan iyo an Europa, Itiot kan Gibraltar (kun saen sinusumpay ini sa Dagat Mediterano, sarô sa mga hanggan na dagat kaini, asin, an sunod, an Itom na Dagat), asin Aprika. Sa sur-subangan, an Atlantiko minasalak sa Kadagatan Indio, an sundoan na pigsasabi sa 20° Subangan na meridyo, minadalagan pa-sur halì sa Kapa kan Agulhas pa-Antartika. Mientras na an ibang awtoridad ipinapahiling an an Kadagatan Atlantiko minaabot sa sur sa Antartika, an iban ipinapahiling ini na nahahangganan sa sur kan Sur na Kadagatan[3]. Sa sur-sulnopan, sinusumpay ini kan Agihan kan Drake sa Kadagatan Pacifico. Sarong gibo nin tawong takod sa tahaw kan Atlantiko asin Pacifico an itinatao kan Kanal kan Panama. Apwera kan mga nasambitan, an iba pan mga hawak nin tubig na harani sa Atlantiko iyo an Dagat Caribo, Golpo kan Mexico, Hudson Bay, Dagat Mediterano, Dagat Norte, Dagat Baltic, asin Dagat Celtic.
Toltolan
[baguhon | baguhon an source]- ↑ NOAA: How big is the Atlantic Ocean?
- ↑ "Atlantic Ocean". Encyclopædia Britannica. Archived from the original on 15 February 2017. Retrieved 20 December 2016. Unknown parameter
|url-status=ignored (help) - ↑ Limits of Oceans and Seas Archived 2006-11-08 at the Wayback Machine.. International Hydrographic Organization Special Publication No. 23, 1953.
