Kalye Arana
]]
An Kalye Arana sarong tinampo na namomogtak sa siyudad nin Naga, Camarine Sur, Filipinas. Ini nadungto' sa Kalye Bayawas sa sarong ibong, naaging kwartel kan National Integrated Police asin sa monumento ni Obispo Jorge Barlin, dangan nabaktas sa Kalye Elias Angeles kun saen sa magkaibong na kanto kaini yaon an edipisyo kan McDonalds asin natapos sa kalye Penafrancia tongod na gayo kan Simbahan nin San Francisco.
Sarong masalaysay na tinampo[baguhon | baguhon an source]
An tinampong Arana saro man sa historikong tinampo ta igdi nangyari nanggad an sagupaan kan mga rebeldeng Filipino na iyo si dating gwardya sibil laban sa mga Espanyol kan taon 1898. Sa kalabaan kan tinampo nagborokbokan an duwang pwersa ta an kwartel kan Gwardya Sibil harani sanang gayo sa Simbahan nin San Francisco kun saen nagpaili an mga Espanyol. An dating kwartel kan Gwardya Sibil iyo na an solar na ginagamit kan National Integrated Police.
An lansangan na ini ipigngaran ki Mariano Arana, saro sa Kaglimang Martir kan Bicolandia asin sarong makahulogan na pangyari ta sa poro kan Kalye Arana itinindog an Plasa Quince Martires. Sa ibong kan Quince Martires, sa tongod kun saen na ngonyan namomogtak an edipisyo kan McDonalds yaon dati nakatogdok an Casino Español. Igdi nagtitiripon an mga Espanyol kan panahon kolonyal kun saen naglinga-linga sinda.
Hilinga man[baguhon | baguhon an source]
- Kalye P. Diaz
- Kalye Barlin
- Kalye Peñafrancia
- Kalye Igualdad
- Kalye Liboton
- Kalye Padian
- Kalye Prieto
- Kalye Miranda
- Kalye Biak-na-Bato
- Kalye Fraternidad
- Kalye Panganiban
- Kalye Elias Angeles
- Kalye Mabulo
