Kangkong

Gikan sa Bikol Sentral na Wikipedia, an talingkas na ensiklopedya
Magluksó sa: nabigasyon, hanapon
Mga inatadong kangkong na pantinda

An kangkong (Ipomoea aquatica) sarong nagkakamang na tinanom, nabubuhay sa daga o sa tubig man. An dahon asin paklang kaini sinasalak na berdura o gulayon sa mga luto. Ini nalakop nanggad sa kahiwasan kun matubang sa pagtubo. Malomhok asin maragamo sa kagat an paklang kaini asin an dahon malumoy man sa pagsapa, dai sana magin lu'nok an pagluto.

Pwede ining ibabaw sa sinapna sana ngane maluto asin patis an pwedeng magtaong namit igdi o pirisan sana nin lemonsito, o pwede man pamberdura sa sinabawan na karne. Ini linuluto man na magin maraging kun pinapatos sa arina asin prinipritos. Sa lutong bikolnon, an mga paklang kan kangkong an paboritong isalak sa kandingga.

Sa saiyang pagkamang sa paglakop, naggagamot ini sa nagbabalagon na kahawakan niya asin maski saen na direksyon natubo. Sa katubigan, an kangkong lataw na gayo asin pwedeng mang'agaw oxygen kun patuboon sa atamanan sira.

Mga apod sa iba-ibang tataramon[liwatón | liwaton an gikanan]

  • Ingles, water spinach, swamp cabbage, water convolvulus, water morning-glory
  • Cebuano, tangkong
  • Ilokano, balangeg
  • Sinhales, kang kung
  • Malay, Indones, kangkung
  • Khmer, trawkoon
  • Thai, pak boong (ผักบุ้ง)
  • Byetnam, rau muong
  • Intsik, kongxincal (空心菜 o kōngxīncài)
  • Hakka, home sum choy
  • Kantones, ngônkcôi

Mga panluwas na takod[liwatón | liwaton an gikanan]

and-health-benefits-of-a-noxious-weed/ Kinua 27-01-14

Toltolan[liwatón | liwaton an gikanan]