Kongreso kan Filipinas
Kongreso kan Filipinas an nasyunal na lehislatura kan Filipinas. Kompwesto ini nin duwang kamara, an Senado asin an Kamara Baha o "Kongreso".
An Senado kompwesto nin 24 mga senador, kabangâ kaini pigi-elihir lambang tolong taon. An lambang senador nagseserbe nin total na anom na taon. Pigi-elihir an mga senador kan enterong elektorado asin dai minarepresentar nin ano man na panheograpiyang distrito.
An Kongreso kompwesto nin dai masobra sa 250 kongresista na igwang duwang klase: an representante nin distrito asin sektor. Pigrerepresentar kan mga representante nin distrito an sarong partikular na panheograpiyang distrito kan nacion. Gabos na provincia kompwesto nin dai mababà sa sarong distrito. May nagkakapirang ciudad na igwang sadiring distrito, an iba igwang duwa o mas dakol na representantes.
An mga pansektor na kongresista nagrerepresentar kan mga minoriyang sektor kan populasyon.
