Lake Sebu, South Cotabato
An Lake Sebu sarong ika-duwang klaseng banwaan kan probinsya nin South Cotabato, Filipinas. Susog sa senso kan 2007, igwang 60,401 katawo na nageerok igdi.
Mga laóg |
Mga Barangay [liwatón]
An Lake Sebu nababanga sa 19 barangay.
|
|
Ekonomiya [liwatón]
An ekonomiya nagsasarig sa akwakultura nin tilapya na pinapatalubo sa mga darakulang langoban sa danaw. Sobra sa kabanga kan daga sa palibot kan danaw okupado nin agrikultura. An gobyerno pighihingoa ngonyan na mapakusog an ekoturismo sa lugar.
Mga Nageerok Igdi [liwatón]
An pampang kan Danaw nin Sebu asin an nakapalibot na kadlagan niya erokan kan mga tinubo na T'boli, Tiruray, Ubo asin Manobo. An T'boli, sarong mayor na tribu, bantog sa saidang kabatiran sa paghabol asin paggibo nin mga kasangkapan na tanso'. Siring man, mga mahusay sindang parasira. Pero an dakulang parte kan populasyon binibilog kan mga Ilonggo, Bikolano asin Ilocano.
Heograpiya [liwatón]
An matoninong na danaw kan Lake Sebu yaon namumugtak sa Alah Valley, harani sa Surallah, South Cotabato. Ini napapalibotan nin mga bulod asi9n mga kadlagan. May hiwas ining 891.38 km² asin may kataasan na 1000m.
Mga Layas na Hayop Nakukua [liwatón]
An opon (babo-damo) asin usa nageestar sa palibot kan danaw sa mga kadlaganan alagad pawara na sinda. Dakul man na mga gamgam an mahihiling na nagpipirmi igdi arog kan balinsyawan, talaod, tuiwad-tuwad, asbp.
Proteksyon sa Kapalibotan [liwatón]
An gobyerno nagtagama nin kahiwasan na 924.50 km² na basta dai pwede paglaogon sa pagproteher sa kapalibotan. Sa habagatan kan abaga nin danw igwa man ipigkaag na pawa nin mga kawayan.
Mga Panluwas na Takod [liwatón]
 |
|
| Mga Ciudad asin Banwaan kan South Cotabato | |
| Mga Ciudad: | General Santos (independiente) | Koronadal |
| Mga Banwaan: | Banga | Lake Sebu | Norala | Polomolok | Santo Niño | Surallah | T'Boli | Tampakan | Tantangan | Tupi |
