Marie Tussaud

Gikan sa Bikol Sentral na Wikipedia, an talingkas na ensiklopedya
Si Madame Tussaud (edad 42)
Paskel manongod sa Museong taro (1835) sa Londres
Pintura ni Madame Tussaud na ginibo daa ni Francis Tussaud

Si Anna Maria Tussaud (née Grosholtz; Desyembre 1, 1761 - Abril 16, 1850, sarong artista na midbid kan saiyang mga iskultura sa taro asin kan Madame Tussauds, sarong museong taro na saiyang tinogdas sa London, Inglatera.

Biograpiya[baguhon | baguhon an source]

Si Anna Maria Tussaud namundag sa Strasbourg kan Dsyembre 1, 1761; an saiyang ama na si Joseph Grosholtz, sarong soldados, nagadan kan duwang bulan na sana siyang ipapangaki. An saiyang ina, ki Anne-Marie Walder [1] ginibo dinara siya sa Bern kun saen an ina niya nagin taga'asikaso kan harong ni Dr. Philippe Curtius (1741–1794). Si Curtius sarong mediko alagad may talento sa pag'iskultor nin tarong pigurin na saiyang pag'ilustrar kan anatomiya. Dangan si Curtius naggigibo nang iskultura nin mga ladawan kan tawo. Kan si Curtius naghubo sa Paris kan 1765 asin duman nagpoon nang nagbugtak nin sarong cabinet de cire (eksibit sa taro) [1] Kan taon na idto, si Curtius naghimo nin tarong pigurin ni Madame du Barry, babaeng karelasyon ni Hadeng Luis XVI kan Pransya. An siring na obra iyo an pinakagurang na mahihiling sa museo ngonyan. Kan taon 1767 nagsunod ki Curtius si Anne-Marie kaiba si Tussaud. Igdi nakanood si Tussaud mag'iskultor sa taro nin huli ta an doktor, na inaapod niyang tiyo, sunodsunod nang magkaag nin mga eksibit asin siya tinutukdoan ni Curtius pag'ukit man nin mga pigurin sa taro mala ta nagin siyang katuwang sa trabaho. An mga eksibit kan doktor enot pinasale sa Paris kan 1770, asin nagganyat nin dakulon na paradalan. Taon 1776, an eksibit naghubo sa Palais Royal dangan kan 1782, nagbukas si Curtius ikaduwang eksibit an Caverne des Grands Voleurs, na iyo an sinundan kan Chamber of Horrors sa Boulevard du Temple. Inistorya ni Tussaud na kan taon 1780 abot 1789 na taon nin Rebolusyon, siya nagtokdo paggibo nin mga tarong kandila ki Prinsesa Elizabeth, tugang ni Hadeng Luis XVI asin iyo man ini enot na oportunidad na nakagibong magsadiri nin mga tarong pigurin, an pinakaenot an pigurin ni Voltaire.[2]. Ngapit naggibo man siyang mga pigurin nin mga bantogan na personalidad arog ki Benjamin Franklin, na an trabaho niyang ini nakaabot sa maogmang pagreparo kan pamilya kan hade asin padagos pinaestar na siya sa Versailles

Mga hihilingan[baguhon | baguhon an source]

  • Leonard Cottrell, Madame Tussaud, The Camelot Press, London, 1951.
  • Madame Tussaud's memoirs and reminiscences of France, by Marie Tussaud, ed. by F. Hervé, London, 1838.

Hilingon man[baguhon | baguhon an source]

Toltolan[baguhon | baguhon an source]

  1. 1.0 1.1 Concannon, Undine. "Tussaud, Anna Maria (bap. 1761, d. 1850)". Oxford Dictionary of National Biography (2004 ed.). Oxford University Press. doi:10.1093/ref:odnb/27897.
  2. Du Plessis, Amelia. "England - Madame Tussauds". Informational site about England. Archived from the original on 13 December 2011. Retrieved 12 July 2011.