Martilyong may panggabot
An martilyong may panggabot (Ingles: claw hammer, curved claw hammer) sarong klaseng kasangkapan na ginagamit sa pagpatadom nin pako o sa paggabot man kaini. Sa pagpatadom, an parteng ponggol kaini an ginagamit. Kun magabot nin pako o anoman na nakatadom na may payo-payo, an ginagamit kaini an parteng tiko asin pakobkob na may liat sa tahaw kun saen diyan isinasangal an gaboton. An gamit na ini rapot sa trabaho nin panday-sa-kahoy alagad dakul pa man an nagagamitan kaini.
Disenyo[baguhon | baguhon an source]
An martilyong may panggabot kompwesto nin sarong payong metal asin sarong kapotan, kun saen sa kasaysayan iyan gibo sa kahoy alagad pwede man na gibo sa steel, fiberglass, o iba pang composite. Sa ibong na lado kan payo igwa nin poll[1] na kun bakong malumhok o maragkot na ibabaw asin ginagamit sa pagpokpok, mantang an ibong na lado makaporma na sarong pades nin paibabang kurbada na korteng letrang V na panggabot asin ginagamit para sa paggabot. Kadaklan ginagamit sa paggabot nin mga pako gikan sa kahoy. Kun gurano kadakula an kurbada kan panggabot, asin kun gurano kahalaba an kapotan, iyo man kadakula an leverage na pwedeng iaplay.
