Medgoen Singsurat

Gikan sa Bikol Sentral na Wikipedia, an talingkas na ensiklopedya
Magluksó sa: nabigasyon, hanapon

Si Boonsai Singsurat, na midbid man sa pangaran na Medgoen Sangsurat (Thai: เม็ดเงิน 3เคแบตเตอรี่; namundag Hulyo 12, 1978 sa Roi Et, Tailandya) sarong Thai na propesyonal na boksingero. Magkapirang alyas an ginagamit niya sa entablado nin boksing: Medgoen Kratingdaenggym (Thai: เม็ดเงิน กระทิงแดงยิม) asin Medgoen Lukjaopormahesak (Thai: เม็ดเงิน ลูกเจ้าพ่อมเหศักดิ์), pero an tunay niyang pangaran pagkamundag iyo an Boonsai Sangsurat (Thai: บุญใส สังข์สุราษฎร์). Alagad, an bakong-Thai na media binansagan siya sa arapodan na "Medgoen Singsurat" o, "Medgoen Singh".

Karera sa Boksing[liwatón | liwaton an gikanan]

Si Medgoen kalawiteng boksingero na nagin pro kan 1997 asin kan 1999, nasikwit an kampeonato sa WBC Flyweight kan madaog niya an Filipinong boksingero na si Manny Pacquiao. Huli sa pangganang ini, pirmeng nasasambit an pangaran niya sa mga laban ni Pacquiao ta saro siya sa tolo pa sanang nakadaog igdi. Siya man sa duwang kalaban na talagang nakaknockout ki Pacquaio. Naknockout niya si Pacquiao sa ikatolong hornada sa dose kutang hornadang laban.

Ipiglaban ni Medgoen an kapot na titulo kontra ki Malcolm Tunacao kan 2000 pero nadaog siya (TKO) asin naagaw an korona saiya.

Si Medgoen pig'aalag kan Thai Storage Battery Public Company Ltd. kaya dara niya an titulong 32k Battery sa mga laban ta an kompanyang ini nagkokontrata nin mga boksingero sa tuyong pagtolod kan produkto kaini.

Si Medgoen Singsurat pamilya nin mga boksingero, mala ta an ikaduwang pinsan niya si Saranyoo Tohchoodee, namundag Abril 18, 1991, sa Tailandya, saro man na boksingero bago binutsan an propesyon ta naghubong Amerika kaiba an tugang na babae. Nano'dan ni Medgoen an kaliwiteng pagboksing sa saiyang pinsan na ini asin sige siya sa pagboksing dara na logod an pangaran na Saranyoo "Street King" Tohchoodee, sagkod na mag'edad na 13. Pero nagpoon siyang pagtais sa pagboksing sa edad sanang anom na taon. Kadaklan kan mga laban niya ginibo sa laog masana kan Tailandya asin ini pinapasale sa Blow by Blow, sarong pambangging programa pinapasale sa TV. An rekord niyang propesyonal na 74-6-0 pambihira, asin napapalaen igdi sa Sur-subangan na Asya. Sa gana niya, 51 an naknockout niya alagad sa daog niyang 6, anas siya igdi nabungaw.

Sa Luwas nin Pagboksing[liwatón | liwaton an gikanan]

Saro man siyang soccer prodigy na kuta makawat sa Thailand national team kun dai nabarian sa tohod sa sarong pagkawat asin dai na naaulean na husto pero daa nagin man siyang maray na parakawat sa pingpong mala ta rinanggo siyang ika-duwa sa pinakamaray na parakawat igdi sa Tailandya.

Mga panluwas na takod[liwatón | liwaton an gikanan]

Toltolan[liwatón | liwaton an gikanan]