Merlinda Bobis

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Si Dr.Merlinda Bobis kaibá si Victor Dennnis Nierva

Si Merlinda Carullo Bobis (25 Nobyembre 1959) saróng premiadong kontemporanyong Bikolana-Australyang parasurát, parabayle, artistang biswal, asín paratokdô. Namundág siyá sa mga magúrang na sindá Nicolas Bobis asín Amparo Carullo, asín nagdakúlà siyá sa Tabaco, Albay. An saíyang mga dulâ naihilíng na sa entablado siring man sa radyo sa Filipinas, Pransya, Tsina, Tailandya, Slobak na Republika asín Australya, kun saín siyá ngonyán nag-eérok.

Pag-adal, mga gibo, asin pagtokdo[liwaton | liwaton an gikanan]

Nag-adal si Bobis nin elementarya sa Kolehiyo nin Divine World asín Akademiya nin San Rafael, nin sekundarya sa Bikolanong Unibersidad, asín nagtápos na Summa cum Laude sa Aquinas na Unibersidad kan Legazpi nin Batsilyer nin Artes sa Administración Pública kan 1980. Nagtápos man siyá na Meritissimus sa Unibersidad kan Santo Tomas nin Maestriya nin Artes sa Literatura kan 1987, asin nin Doktorado sa Artes Creativas sa Unibersidad kan Wollongong sa Australya kan 1994 kun saín siyá ngonyán nagtótokdô.

Tolong pagkakataon na tinàwán an saíyang mga tokdâ sa Carlos Palanca Memorial Award in Literature. An enot kan 1987 para sa Peopleness, saróng katiriponán nin mga rawitdáwit sa Ingles na isinúrat niyá asín kaibáhan/samâ na ganador, Enot na Premio. Sinundán iní kan 1989 para sa Lupang di Hinirang: Kuwento at Sikreto (Dagáng Daí Padaba: Osipón asin Rirong/Land Not Dearest: Story and Secret) saróng katiriponán nin mga rawitdáwit sa Pilipino, Ikaduwáng Premio. Asín, kan 1995 para sa Ms. Serena Serenata, saróng halìpót na dulâ, na ginawádan nin Kagalanggálang na Sambít.

An saíyang duláng Rita's Lullaby nanggána sa 1998 Australian Writers' Guild Awards para sa Pinakamarháy na Panradyong Dulâ, asín an internasyunal na Prix Italia sa parehong taon. Kan taon 2000, an saiyáng White Turtle naggána kan Steele Rudd Award para sa Pinakamarháy na Katiriponán nin Australyanong mga Halipot na Osipon siring man sa 2000 Philippine National Book Award. Ini sanang 2006, nagkamít siyá kan Librong Bulawan Award (Gintong Aklat Award/Golden Book Award, Philippines) gikan sa Book Development Association of the Philippines para sa saíyang pinakahúring nobelang Banana Heart Summer.

Nagtokdô nin 10 taon si Bobis nin literatura, humanidades, asin Ingles sa De la Salle na Unibersidad, Unibersidad kan Santo Tomas, asin Colegio de San Juan de Letran, antes na natàwán grant pampag-adal sa Unibersidad kan Wollongong kan 1991.

Mga tokdâ[liwaton | liwaton an gikanan]

Mga rawitdawit

Mga halìpót na osipón

Mga nobela

  • Banana Heart Summer (Murdoch Books, 2005) ISBN 1-74045-590-8
  • The Solemn Lantern Maker (Sydney: Murdoch Books, 2008)
  • A Novel In Writing (UST Press: 2004)
  • Pag-uli, Pag-uwi, Homecoming(UST Press: 2004)

Mga onrang nakamit[liwaton | liwaton an gikanan]

  • Finalista: Australian Classical Music Award (Best Vocal/Choral Work of the Year) para sa Daragang Magayon Cantata (saróng kolaboratibong opera kan rawitdawit ni Bobis asín musika ni Bruce Crossman), 2007
  • Gawad Pambansang Alagad ni Balagtas (National Balagtas Award: sarx162ng habambuhay na premio para sa saíyang rawitdáwit asín prosa sa Ingles, Pilipino, Bikol) gikan sa Unyon nin mga Parasureat sa Pilipinas (Unyon ng Manunulat ng Pilipinas/Union of Philippine Writers), 2006
  • Librong Bulawan Award (Gintong Aklat Award/Golden Book Award: Philippine publishers' award) para sa Banana Heart Summer (nobela), 2006
  • Halìpót na lista: Australian Literature Society Gold Medal para sa Banana Heart Summer, 2006
  • Nominasyon: Pinakamarháy sa Dayong Tataramon sa Kathang-isip gikan sa Manila Critics’ Circle para sa Banana Heart Summer, 2006
  • Judges’ Choice Award, Bumbershoot Bookfair, Seattle Arts Festival para sa Kissing (katiriponán nin mga halìpót na osipón, napalagdáng White Turtle sa Australya asin Filipinas), 2001
  • Arts Queensland Steele Rudd Australian Short Story Award (Para sa Pinakamarháy na Napalagdáng Katiriponan kan Australyanong mga Halìpot na Osipón, Samâ na ganador) para sa White Turtle, 2000
  • Philippine National Book Award for Fiction (Samâ na ganador) gikan sa Manila Critics’ Circle para sa White Turtle, 2000
  • NSW Ministry for the Arts Writers’ Fellowship para isinusurat na nobelang Fish-Hair Woman, 2000
  • Canberra Writing Fellowship turuwáng an Australian National University, an Unibersidad nin Canberra, asín an Australian Defence Force Academy, 2000
  • Prix Italia (internasyunal na premio) para sa Rita's Lullaby (duláng pangradyo), 1998
  • Australian Writers' Guild Award (AWGIE) para sa Rita’s Lullaby, 1998
  • Pamana Philippine Presidential Award for achievement in the arts (for Filipino expatriates), 1998
  • Halìpot na lista: The Age Poetry Book of the Year Award for Summer Was A Fast Train Without Terminals (katiriponán nin mga rawitdáwit), 1998
  • Ganador, Out of the Ashes Trans-Tasman Short Story Competition para sa White Turtle (halìpót na osipón), 1998
  • Commended: National Short Story Competition, Society of Women Writers para sa The Sadness Collector (halìpót na osipón), 1998
  • Samâ na ganador, ABC Radio National's 'Books & Writing Short Story Competition' para sa The Tongue (bantógan na The Parable of Illawarra Street), 1997
  • Ian Reed Foundation Prize for Radio Drama para sa Rita's Lullaby, 1995
  • Carlos Palanca Memorial Award in Literature (Philippine national award), Kagalanggálang na Sambít para sa Ms. Serena Serenata (halìpót na dulâ), 1995
  • Gawad Cultural Centre of the Philippines (Nasyunal na gawad para sa Rawitdáwit sa Pilipino) para sa Mula Dulo Hanggang Kanto (Poón Puró Sagkód Kanto/‘From End to Corner’, katiriponán nin mga rawitdáwit), 1990
  • Likhaan Award para sa Daragang Magayon asin iba pang mga rawitdáwit, University of the Philippines Writers' Workshop, 1990
  • Carlos Palanca Memorial Award in Literature, Ikaduwáng Premio para sa Lupang di Hinirang: Kuwento at Sikreto (Dagáng Daí Padaba: Osipón asin Rirong/‘Land Not Dearest: Story and Secret’, katiriponán nin mga rawitdáwit sa Pilipino), 1989
  • Carlos Palanca Memorial Award in Literature, Samâ na ganador, Enot na Premio para sa Peopleness (katiriponán nin mga rawitdáwit sa Ingles), 1987
  • Caracoa Award for Outstanding Contributions 1987

Mga panluwas na takod[liwaton | liwaton an gikanan]

Mga hihilngan[liwaton | liwaton an gikanan]