Miguel Ángel Cotto
Si Miguel Angel Cotto y Vazquez (namundag, Oktobre 29, 1980) sarong Puerto Ricoanong propesyonal na boksingero. Bilang sarong amateur, Si Cotto pigrepresentar an Puerto Rico sa duwang dibisyon, lightweight asin light welterweight, sa magkapirang internasyonal na okasyon kabali diyan an 1999 Pan American Games, an 2000 Summer Olympics asin an 1998 Junior World Championships kun saen nagkamit siya nin medalyang pirak.. Nagpoon siya kan karerang propesyonal kan taon 2001 asin kan Septyembre 11, 2004, nadaog niya si Kelson Pinto sa pagsikwit kan WBO Junior Welterweight na kampeonato. Sa anom na okasyon, saiyang nabangga an mga kalaban, asin saiyang nasaray, sa pag'aagaw kan saiyang korona sagkod na pigbayaan na sana niya para sa sunod, asin mas halangkaw, na dibisyon nin welterweight.
Sa enot na sagupaan sa dibisyon na ini saiyang nasupil si Carlos Quintana sa agawan sa bakanteng WBA welterweight na kampeonato. Si Cotto matriumpong nadefenderan an titulo niya laban ki Oktay Urkal, ki Zab Judah, ki Shane Mosley asin ki Alfonso Gomez bago naaagaw saiya ni Antonio Margarito. Kan Pebrero 21, 2009, nadaog niya si Michael Jennings asin resulta kaini nakamit niya an bakanteng WBO Welterweight na kampeonato. Sa pagdefender niya kan titulo laban ki Joshua Clottey, ini mansana naagaw saiya ni Manny Pacquiao kan Nobyembre 14, 2009. Kan Hunyo 5, 2010, si Cotto nakipagbalbagan sa enot niyang laban para sa dibisyon na light middleweight, na kun saen nadaog niya si Yuri Foreman para sa WBA super welterweight na kampeonato. Saiyang nasaray an titulong ini kan linabanan siya ni Ricardo Mayorga kan Marso 13, 2011. Na-TKO niya si Mayorga sa ika-doseng hornada.
Mga panluwas na takod[baguhon | baguhon an source]
- Miguel Cotto Official Website
- BoxingInsider profile interview with Miguel Angel Cotto Archived 2011-01-31 at the Wayback Machine.
.