Mitt Romney

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Si Mitt Romney

Si Willard Mitt Romney (namundág Marso 12, 1947) saróng Amerikanong negosyante asín pulitiko. Siyá an ika-70ng Gobernador kan estado nin Massachusetts poon 2003 abót 2007 asín kandidato ngonyán para sa 2012 nominasyon presidensyal kan Partido Republikano.


Siya an aki ni George W. Romney (dating Gobernadoir kan Michigan) asin ni Leonor Romney. Siya pinadakula sa Bloomfield Hills, Michigan asin nagserbi bilang sarong misionaryo kan Mormon sa Pransya. Saiyang nakamit an undergraduate degree niya sa Brigham Young University, dangan an Juris/Master of Business Administration joint degree sa law asin business school kan Harvard. Si Romney naglaog sa negosyong management consulting na huli kaini nakakua siyang pwesto sa Bain & Company kun saen siya nagin padagos CEO igdi asin saiyang napabangon hale sa krisis. Tapos kaini siya nagmukna, katuwang an iba, kan Bain Capital na saro mansanang nagsanga hale sa dati niyang pigtatrabahuhan. Ini an nagdara saiya nin kanigoan na yaman ta nagtalubo an kompanya asta nagin saro sa mauswag asin pinakadakulang negosyo sa nasyon. An yaman na napatalubo niya iyo an nagpuhunan sa saiyang pagtapsok sa pulitika. Pero siya aktibong gayo sa simbahan niya asin siya nagin igding ward bishop asta sagkod siya nagin stake president sa saiyang lugar. Nagdalagan siya bilang kandidato kan Republikano sa 1994 eleksyon sa Senado kan Estados Unidos representado an Massachusetts alagad nadaog siya ni Ted Kennedy na iyo an nasa poder kadto. Sa sarong parte man, si Romney naglapigot sa pagorganisar asin pagpadalagan kan 2002 Winter Olympics bilang pamayo kan Salt Lake Organizing Committee; maray an resulta ta dai nagkalugilugi an kasibotan.

Toltolan[liwaton | liwaton an gikanan]