Nathuram Godse

Gikan sa Bikol Sentral na Wikipedia, an talingkas na ensiklopedya
Si Nathuram Godse

Si Nathuram Vinayak Godse (Marathi: नथूराम विनायक गोडसे) (Mayo 19, 1910 - Nobyembre 15, 1949) iyo an nag'asasinar ki Mahatma Gandhi. Siya sarong aktibistang Hindutva asin sarong peryodista. Kakomplot an saiyang tugang si Gopai Godse asin anom pang mga kakutsaba, siya nagpakana' na asasinaron si Gandhi. Nangyari an bagay na ini kan Enero 30, 1948.

Pagsentensya[baguhon | baguhon an source]

Pakapukan ni Mahatma Gandhi sa tolong tama nin bala saiya, si Godse natakma' tolos ni Herbert Reiner Jr., vice-consul sa embahada kan Estados Unidos sa Delhi, asin napugolan na dai makadulag. Si Godse tinuklo' tolos kan pulis. Si Godse pinagplano an asasinasyon kakomplot si Narayan Apte asin anom pang kairiba. Pakalihis nin pagbista nin sobrang sarong taon, si Godse nasentensyahan nin kagadanan kan 8 Nobyembre 1949. Dawa ngani may mga pangapodan na pagiananan an hatol, kaiba na an mga paghuhurot sa bagay na ini kan duwang aki ni Gandhi na sinda Manilal Gandhi asin Ramdas Gandhi, sinda pigsayumahan kan Primer Ministro kan Indya na si Jawaharlal Nehru, kan katuwang primer ministro si Vallabhbhai Patel, asin Goberrnador-Heneral na si Chakravarti Rajagopalachari,[1] Si Godse binitay sa Ambala Central Jail kan 15 Nobyembre 1949.[2]

Toltolan[baguhon | baguhon an source]

Mga panluwas na takod[baguhon | baguhon an source]