Noli Me Tangere
An Noli Me Tangere nobelang sinurat ni Jose Rizal. Enot nalagdâ kan 1887 sa Berlin, Alemanya sa tabang ni Dr. Maximo Viola. Ini nakasurat sa Espanyol. An palis kaini sa Ingles dati tituladong Social Cancer alagad an mga bagong iningles kaini piggamit na an orihinal na titulo sa Latin.
An literal na kahulugan kan titulo boot sabihon, Hare Sako Pagdota na sinasabi sinapi' sa Ebanghelyo ni Juan (20: 09-17) sa Bibliya. May pigtutumoy ini sa pangyari kan si Jesus nabuhay-liwat hale sa kagadanan asin sinabi niya ki Maria Magdalena na dai siya dapat do'tan ta dai pa siya nasakat sa saiyang Ama. Alagad, an Sudetanong Aleman na doktor na amigo ni Rizal si Ferdinand Blumentritt, nagsabi na an noli me tangere iyo an garamiton na termino kan mga optalmologo pagtomoy kan kanser sa takob-takob. Maromdoman si Rizal saro man na optalmologo.
