Papa Juan Pablo II

Gikan sa Bikol Sentral na Wikipedia, an talingkas na ensiklopedya
John Paul II
John Paul II on 12 August 1993 in Denver, Colorado
John Paul II in 1993
KamundaganKarol Józef Wojtyła
(1920-05-18)18 Mayo 1920
Wadowice, Poland
Kagadanan2 Abril 2005(2005-04-02) (edad 84)
Apostolic Palace, Vatican City
NasyunalidadPolish (with Vatican citizenship)
TituloBishop of Rome
SinundanJohn Paul I
NagsunodBenedict XVI
RelihiyonCatholic
Lagda

Si Papa Juan Pablo II (Latin: Joannes Paulus PP. II), pinangaki, Karol Józef Wojtyła (pagkasayod, /KA-rol YU-zef voy-TI-wa/; Mayo 18, 1920Abril 2, 2005) iyo an santo papa poon Oktobre 16, 1978 abot sa saiyang kagadanan, sa edad na 84 taon, 319ng aldaw. ,Siya an ika-264 na Papa sa historya kan Simbahan Katoliko, an kaenot-enoteng bakong-Italyanong Papa sa nakaaging 455 taon, asin an pinakaenot na naghahale sa Poland. An saiyang pagtukaw iyo an ikaduwang pinakahaloy na nag'abot nin 26 na taon, 168 aldaw. Si Papa Pius IX (1846-1878) sana an mas halawig, na nagtukaw nin 31 taon.

Si Papa Juan Pablo II nagkanonisar ki San Lorenzo Ruiz asin ki Mapalad na Pedro Calungsod.

Si Papa Juan Pablo II naotsan ginhawa bandang 9:37 nin banggi, oras sa Vatican, kan Abril 2, 2005, sa edad na 84, pagkatapos magkahelang nin Parkinson's Disease asin iba-iba pang helang na nagdapo saiya poon pa kan huring parte kan dekada 1990.

Si Papa Juan Pablo II inoomaw bilang saro sa pinakamaimpluensyang lider nin ika-20ng siglo.[1] Siya an tinutubod na instrumental sa pagrumpag kan komunismo sa saiyang nasyon na Poland, asin kahurihurihi sa enterong Europa. Pero saiya man na pigtaboga an mga kalabisan kan kapitalismo[2][3] Siya man responsable sa pagpakarhay kan relasyon kan Simbahan Katoliko sa Judaismo,[1] Simbahan kan Ortodoxa Oriental, Islam asin sa Comunion Anglicana.Totoo an mga progresibo pigtutuyaw siya kan saiyang pagsurog sa mga katokdoan kan Simbahan laban sa artificial contraception asin an pagorden nin pading babae. An mga tradisyonalista man kinokodesyahan siya kan pag'andorog niya sa Ika-2ng Concilio Vaticano, sa mga pagbabakle sa Liturhiya asin kan mga ekunumikal na pakikitrato niya.[1][4][5]

Si Santo Papa Juan Pablo II iyo an saro sa pinaka mabinyaheng lider sa kinaban sa tala nin historya, mala ta 129 nasyon an nabisita niya sa periodo kan saiyang pontificado. Siya tataong magtaram nin Italyano, Pranses, Aleman, Ingles, Espanyol, Portuges, Ukraniano, Ruso, Kroata, Esperanto, Antigong Griyego, Latin, asin siring man, an saiyang dilang Polako.[6] Bilang parte kan saiyang pangapodan sa kabanalan, siya nagbeatificar nin 1,340 katawo, asin pigkanonisar 483 na santo, sobra sa enterong rekord kan mga nagkaerenot saiya sa periodo nin limang siglo.[7][8]

Kan Desyembre 19, 2009, si Juan Pablo II pigproklamang venerable[9][10][11][12] ni Papa Benedicto XVI asin mabebeatificar sa Mayo 1, 2011.[13]Siya nakanonisar kasabay ni Juan XXIII kan 27 Abril, 2014.[14]

Mga magurang ni Juan Pablo II, si Emilia asin Karol Wojtyla, Sr.

Toltolan[baguhon | baguhon an source]

  1. 1.0 1.1 1.2 Wilde, Robert. "Pope John Paul II 1920 - 2005". About.com. Retrieved 2009-01-01. 
  2. Hastings, Adrian; Alistair Mason; Hugh S. Pyper The Oxford Companion to Christian Thought Oxford University Press 2000 p. 95 Online version available at Google Books
  3. Magister, Sandro "Fighting the Faithless West" The Sunday Oregonian 3 April 2005 Retrieved 17 April 2011
  4. "John Paul II Biography (1920–2005)". A&E Television Networks. Retrieved 2009-01-01. 
  5. Deutsche Welle (24 April 2006). "Catholic Church to Ease Ban on Condom Use". Retrieved 2009-01-01. 
  6. "Pope John Paul II". The Robinson Library. 20 October 2008. Retrieved 2009-01-01. 
  7. "Table of the Canonisations during the Pontificate of His Holiness John Paul II". The Holy See. Retrieved 2009-01-01. 
  8. Whether John Paul II canonised more saints than all previous popes put together is difficult to prove, as the records of many early canonisations are incomplete, missing, or inaccurate.
  9. "Catholic Culture : Latest Headlines : SPECIAL: Popes Pius XII, John Paul II declared 'venerable'". catholicculture.org. Retrieved 2010-02-25. 
  10. "A Catholic Life: Pope Pius XII, John Paul II Declared Venerable". acatholiclife.blogspot.com. Retrieved 2010-02-25. 
  11. "Venerable John Paul II". 19 December 2009work=piercedhearts.org. Retrieved 2010-02-25.  Check date values in: |date= (help)
  12. "John Paul II declared [[Venerable]], moves one step closer to sainthood :: Catholic News Agency (CNA)". catholicnewsagency.com. Retrieved 2010-02-25.  URL–wikilink conflict (help)
  13. "Pope paves way to beatification of John Paul II". bbc.news.co.uk. Retrieved 2011-01-14. 
  14. https://www.bbc.com/news/world-europe-24330204. Kinua 2023-24-23.

Mga panluwas na takod[baguhon | baguhon an source]