Parasitas
An Parasitas (Ingles, bird's nest fern) sarong klaseng tinanom na ornamental kabali sa species nin mga pako, sa genus na Asplenium. An parasitas natubo na garo pabilog na tataghan an poon, na dusok na gamot kun saen an mga dahon na mga matipanas naturuhaw sa palibot kaini. Ini nabubuhay na nakatanom sa daga mismo, o pwede man nakadukot sa mga sanga nin kahoy, sa mga soksok kan kagagapoan. May sinasabing lalaking parasitas asin babaeng parasitas, an huri mas haralakbang asin medyo punggol an mga poro kan mga dahon.
An parasitas mas natubang sa kasyahan sanang saldang. Sobrang saldang naresulta sa pagdulaw kan mga dahon. Pwede man ining sa interior basta igwa siyang nakukuang bastanteng liwanag, alagad an sobrang lipot naresulta sa pag'aragirang kan mga dahon sa mga gilid niya.[1]
Mga pisog kan parasitas[baguhon | baguhon an source]
An mga pisog kan parasitas pirinong maray asin naluwas saka nakadurukot sa likod kan mga dahon kaini. Ini pwedeng karoson kun an dahon aragirang na, saka iparogrog sa maseterang kinaagan nin bunot. Kun nawarak na sa ibabaw dapat bombonan kan runot na bunot ngane dai ipalid saka tubigan dikit. Mga pirang semana, ini natarambo na sana sa masetera.
Mga panluwas na takod[baguhon | baguhon an source]
- Pag'ataman sa parasitas. Kinua 15-08-13
- Paliwanag manongod sa parasita. Kinua 15=-08-13 Archived 2012-08-29 at the Wayback Machine.
