Parker Hitt

Parker Hitt

Si Koronel Parker Hitt (1878 - Enero 1971) sarong militar asin kriptograpo. Siya nagserbi sa Pwersa Armada kan Estados Unidos kan magkolonya an Amerika sa Filipinas (1898) asin nagserbi man siya sa Alaska asin California bago siya nakahaman kan trabaho niya sa kriptolohiya kun saen may pakinabang na gayo sa pagsaray asin paghilom kan mga mensahe kan militar, asin siya nagtabang pa sa pagpasa' kan mga kodigo kan si mga Mehikanong pwersa kan nagkaigwang kariribokan laban sa Mehiko asin siring man kan mga tagong mensahe kan Aleman durante kan Enot na Gerang Pankinaban (1914-1918). Maski siya retirado na kan mga 1940, siya impormal na kahadoy-hadoy sa pag'oltan kan Hokbo asin mga myembro kan Amerikcan Cryptogram Associaiton; alagad, ma'wot pang makaserbi, nagbalik siya sa aktibong toka poon 1940 abot 1944 bilang corps area Signal Officer.

Karera

Namundag 1878, si Koronel Hitt nag'entra sa Purdue University, nagtapos kan kurso sa pagka-inhenyero sibil, asin nagpalista sa Hokbong Amerikano durante kan Espanyol-Amerikanong Gera (1898). Kan 1899 natokahan siya bilang infantry officer asin itinalaga sa Filipinas. Dangan kaidto siya nagpatoka nin duwang taon sa Signal Corps asin kan siya nagtukdo sa Army Signal School nahiling niya na kaipohan na gayo an toltol na metodo sa komunikasyon na dai basang-basang masusukit kan kalaban. Naghasi siya kan 1914 nin manual para sa military cipher na magsalida sa lumang kodigo ginagamit kan hokbo. Kan 1917, an saiyang kodigo mahiwas nang nagamit asin ini nagtolong dekada bago nasanglean.

Sinasabing sa panahon na mayo pang pormal na serbisyo kriptograpo, an trabaho ni Hitt nagdokumento nin mga konsepto asin prinsipyo na ma'uusar nanggad sa pagproteher kan komunikasyon militar kan E.U. sa pirang dekada. Mala ta an saiyang nahaman nakaimpluensyang gayo ka William asin Elizabeth Friedman, asin inapod siya ninda na "Ama kan modernong Amerikanong kriptolohiya."

An agom ni Hitt iyo si Genevieve Young Hitt.

Onra

Kan 1988, siya ikinaag sa lista kan Military Intelligence Hall of Fame na minukna kan Military Intelligence Corps kan Hokbo nin Estados Unidos sa pag'onra saiya sa saiyang dakulang kontribusyon sa intelihensya militar.

Si Hitt inapod na "Ama kan Kriptolohiyang Militar nin Amerikano".

Nagadan si Hitt sa edad na 93.

Mga dagdag na basahon

• Father of American Military Cyptology.

Mga librong hinaman

• Manual for the Solution of Military Ciphers (1915)
• Description and Instruction for the Use of the Fire Control Rule (1917)
• The ABC of Secret Writing (1935)