Piranha

Gikan sa Bikol Sentral na Wikipedia, an talingkas na ensiklopedya
Magluksó sa: nabigasyon, hanapon
An piranha[1]
Nakaatubang na hitsura kan piranha

An piranha (/pɨˈrɑːnʲə/, /pɨˈrænʲə/, or /pɨˈrɑːnə/; Portuges: [piˈɾɐ̃ɲɐ]) sarong klaseng sira sa tabang na omnivorous na boot sabihon parakakan nin karne. [2] An sira kaiba sa pamilyang Characidae, sa irarom kan order na Characiformes. Ini inaapod sa Beneswela na caribes. An sira may mapapanas na mga ngipon, panra'ngot na gayo sa karne asin tulang alagad ini nakakan man nin mga tinanom, mga insekto asin kapwa sira asin karne man nin baka o laman nin tawo. An piranha tubong natural sa mga kasalogan nin habagatan Amerika.

Pakinabang asin gawe kan piranha[liwatón | liwaton an gikanan]

Mga iba-ibang klaseng piranha

An mga ngipon kan piranha ginigibong armas o gamit kan mga tinubo. Ini man kinakakan kan mga tios asin sa Peru may pagtubod na an sira na ini importanteng ingrediente sa mga medisinang pampakusog sa pagkalalake, pampaorog sa pagbados nin babae, asin sa presente popular nang souvenir para sa mga turista. Ini bako man nanggad sobrang isog siring kan mga ipinapaheling sa mga pelikula na nanghaha'ngil, kundi aksidente sanang nangangagat kun harani an mga nagkakarigos o mga paralangoy. Masabi na an mga piranha perwisyo nanggad sa mga parasira ta iniikit kaini an mga paon, kinakarakan an mga dakop sa banwit, ginagatob an mga pukot, asin ibang gamit pansira. Syempre kun nariribaraw an gipaw ninda, pwede mangagat.

Nauuso na an mag'ataman piranha sa aquarium pero sa ibang parte kan Estados Unidos ilegal an pag'ataman kani. Sa Filipinas bawal nanggad an pagpalaog sa katubigan kaini kan piranha asin an naglalapas kan ley pwede makonkon sa karsel poon anom na bulan abot apat na taon. An usong atamanon na species iyo idtong may pulang tulak, an Pygocentrus nattereri.

Sinasabi na sa toltol na adal kan sirang ini, an piranha nagipaw bako sa pag'atake sa pighuna nindang kalaban kundi mas sa pagsurog sa sadiri sa anoman na pwedeng magkakan o mag'atake sainda.


Mga panluwas na takod[liwatón | liwaton an gikanan]


Toltolan[liwatón | liwaton an gikanan]

  1. Kinua retrato kaini sa Singapore River Safari
  2. {{cite news |url=http://news.bbc.co.uk/2/hi/science/nature/6259946.stm |title=Piranha 'less deadly than feared' |accessdate=2007-07-02 |author=BBC News Online |kinua 19-07-13