Plaridel, Bulacan

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Mapa kan Bulacan na ipinapahiling an kinamomogtakan kan Plaridel

An Plaridel sarong primera klaseng banwaan kan probinsya nin Bulacan, Filipinas. Susog sa senso kan 2007, igwang 99,8127 katawo na nageerok igdi.

Rusoan pa kan Manila[liwaton | liwaton an gikanan]

Sa sigeng pagdakula asin paghiwas kan Manila, an lugar na ini kaiba na sa rusoan kan Manila hanggan abot sa San Ildefonso sa may porong amihanan na parte.

Uusipon[liwaton | liwaton an gikanan]

An Plaridel dati bisto sa pangaran na Quingua. Igdi nagadan si Col. John Stotenberg sa inaapod na Batalya sa Quingua kan magsagupaan an mga tropa ni Gregorio del Pilar asin kan mga Amerikano sa inapod na Giyerang Pilipino-Amerikano. Sarong tanda an nakatindog sa Barangay Agnaya sa pagromdom kan madugong laban na ini.

Nasususog an kalakawan kan banwaan na ini poon kan 1595 kan uminabot an mga Kastila. Kaidto diit-diit pa sana an tawo igdi. Iba-iba an mga hinalean ninda, may mga Ilokano, Pampango, Pangasinan. Lambang grupo may lider na inaapod na tandis. An kahiwasan kan daga tanayad na patos nin mahibog na kadlagan asin kagogonan. An Salog Angat nabulos na biko-biko pasiring Calumpit kun saen sinasabat an Salog Pampanga asin man an Salog Tabang na sanga sana kaini na naaagi sa tahaw kan Poblacion nabulos pasiring sa Sola' kan Manila (Manila Bay), na naagi man sa mga banwaan kan Guiguinto asin Bulacan. An tubig kaining salog inaapod na tabang, o tubig na ta'bang, boot sabihon.

Sa lawig nin panahon , naisipan sanglean na an pangaran . Sa pag-onra sa dakulang heroeng si Marcelo del Pilar, kan Bulacan an Quingua pigngaranan PLARIDEL, asin nangyari ini kan Des. 29, 1936 na atendido an okasyon kan mga darakulang tawo siring ki Speaker Gil Montilla, Representante Pedro Magsalin, Nicolas Buendia, Eulogio Rodriguez. Elpidio Quirino, asin si Gob. Jose Padilla, Sr..

Luminaog igdi an pwersa armada kan Hapon taon 1945 alagad sa madugong laban kan 1945, napatalsik an mga Hapon kan pwersang pinagsaro kan mga tropa nin mga Amerikano asin Filipino.


Mga barangay[liwaton | liwaton an gikanan]

An Plaridel nababanga sa 19 barangay.

  • Agnaya
  • Bagong Silang
  • Banga I
  • Banga II
  • Bintog
  • Bulihan
  • Culianin
  • Dampol
  • Lagundi
  • Lalangan
  • Lumang Bayan
  • Parulan
  • Poblacion
  • Rueda
  • San Jose
  • Santa Ines
  • Santo Niño
  • Sipat
  • Tabang

Mga panluwas na takod[liwaton | liwaton an gikanan]

Selyo kan Provincia nin Bulacan
Mga Syudad asin Banwaan kan Bulacan
Mga Syudad: Malolos | Meycauayan | San Jose del Monte
Mga Banwaan: Angat | Balagtas | Baliuag | Bocaue | Bulacan | Bustos | Calumpit | Doña Remedios Trinidad | Guiguinto | Hagonoy | Marilao | Norzagaray | Obando | Pandi | Paombong | Plaridel | Pulilan | San Ildefonso | San Miguel | San Rafael | Santa Maria

Plantilya:Coord