Prinsipe Harry

Gikan sa Bikol Sentral na Wikipedia, an talingkas na ensiklopedya

Si Prinsipe Harry (namundag, Henry Charles Albert David; Setyembre 15, 1984) na mas arapodan na Prinsipe Harry,[1] iyo an ngohod na aki ninda Charles, an Prinsipe kan Wales asin ni Diana, Prinsesa kan Wales, asin an makoapo ni Reyna Elizabeth II asin ni Prinsipe Philip, Duke kan Edinburgh. Siya kun siring an ikatolo sa linyada sa pagtukaw sa trono, sa hurihan kan saiyang ama asin matuang tugang kan 16 na independienteng mga soberanong estado na inapod na mga Kumonwelt na mga nasyon: an Reino Unido, Kanada, Australya, New Zealand, Jamaica, Barbados, an Bahamas, Grenada, Papua New Guinea, an mga Islang Solomon, Tuvalu, Santa Lucia, San Vicente, asin an Grenadines, Belize, Antigua asin Barbuda, y San Kitts asin Nevis. Si Prinsipe Harry, kun siring, siya man an ikatolong mamana kan pwestong Pamayo kan Kumonwelt. Siya man an ikatolo sa linyada kan pwesto bilang Gobernador kan Simbahan nin Inglatierra.

Pakatapos kan edukasyon niya sa manlaenlaen na mga eskwelahan sa Reino Unido asin pag'estar niya sa Australya asin Lesotho kan bakasyon niya sa pagklase, si Prinsipe Harry, bakong arog kan tugang niyang Prinsipe William, dai nagkua nin kurso sa unibersidad kundi diretso sa paglaog sa militar. Siya natokang segundo tenyente sa Blues and Royals kan Household Cavalry Regiment na kasabay an tugang niya, dangan tinapos niya an saiyang training komo sarong komandante sa tanke. Nagsirbe siya nin 77 aldaw sa Gerang Apgan, pero hinale siya duman kan ibinalangibog kan sarong magasin sa Australya an saiyang tokang ini.[2][3]

Mga panluwas na takod[baguhon | baguhon an source]

Toltolan[baguhon | baguhon an source]

  1. "Prince Harry". The Official Website of the British Monarchy. Retrieved 10 August 2009. 
  2. Associated Press (28 February 2008). "Prince Harry on front line in Afghanistan". MSNBC. http://www.msnbc.msn.com/id/23391374. Retrieved on 28 February 2008. 
  3. Audrey, Gillian; Tran, Mark; Walker Peter (28 February 2008). "Harry secretly serving in Afghanistan". Guardian (London). http://www.guardian.co.uk/uk/2008/feb/28/military.afghanistan. Retrieved on 26 March 2010.