Semana Santa
An Semana Santa ((Latin: Hebdomas Sancta or Hebdomas Maior, "Greater Week"; Greyigo: Ἁγία καὶ Μεγάλη Ἑβδομάς, Hagia kai Megale Hebdomas) iyo an taontaon na pagroromdom kan mga Kristyano kan pagsakit, pagkagadan asin pagkabuhay-liwat ni Hesukristo Nasareno. Napoon ining Domingo de Ramos asin natapos sa Domingong Pasko nin Pagkabuhay-liwat.
Sa semanang ini sinusunod an paglelehe, an pag'abstenensya asin an hararom na pagpapangadye, pagsosolsol kan mga Kristyano sa saindang mga pagkakasala. Kinaugalean kan mga Katoliko na magtiripon sa simbahan, magkumpisal asin mag-Via Crucis, o magBisita Altares. Igdi sa Filipinas uso, totoo pawara na, an praktis na magpaPasyon na iyo ini an sarong semana na ikinakanta na pano nin paglogo'logo an istorya kan enterong buhay ni Hesus. PagBiyernes Santo may nagkukulto arog kan pagpa'san nin krus o napa'pako na tunay sa krus sa makuring pakikidumamay sa inagihan na sakit ni Hesukristo asin sa paghagad nin kapatawaran sa mga kasa'lan. Sa ibang mga banwaan ginigibo an Senakulo, sarong pagsa-drama kan pagpasakit ki Hesus kun saen an sarong deboto napagakot sa itinindog na krus. Sa aldaw man na ini, praktis na gayo igdi sa Filipinas, orog na kan mga Katoliko, na iprusisyon an mga rebultong nagpapahiling kan agi-agi ni Hesus sa huring aldaw kan siya pinasakitan asta pinako sa krus. Pagkabanggi isinusunod an inaapod na Soledad sa palibot kan sentro kun saen sa mga istasyon may pagpangadye, may pagkantang malodok asin mapo'ngaw sa pagpapanambitan ni Santa Maria kan siya solo na sana ta binayaan na ni Hesus.
-
An agonia ni Hesus sa hardin nin Getsemani
-
An pagpasaluib ni Hudas
-
An pagkondenar ki Hesus
-
-
An pagsayumang tolong beses ki Hesus ni Pedro
-
An paghampak asin pagkorona ki Hesus
-
An pagpahid ni Veronica kan lalawgon ni Hesus
-
-
Si Salome may darang incenso
-
An pagpa'san kan krus
-
An pagsabat ki Hesus kan saiyang Ina
-
Si Magdalena may darang pamahid asin pahamot paghugas kan bitis ni Hesus
-
An pagtanggal ki Hesus sa krus
-
An paghulid ki Hesus sa lolobngan
