Sri Jayawardenapura Kotte

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Mapa kan Sri Lanka kun saen ipinapaheling an kinamomogtakan kan Sri Jayawardenapura Kotte

An Sri Jayawardenapura Kotte(Sinhala: ශ්‍රී ජයවර්ධනපුර කෝට්ටේ, Tamil: ஸ்ரீ ஜயவர்த்தனபுரம் கோட்டை), bisto man sa apod na Sri Jayawardenapura o, Kotte කෝට්ටේ, iyo an kabesera administratibo kan Sri Lanka. Namomogtak ini sa bandang subangan kan Colombo, na minimidbid na kabesera nin komersyo, asin parati inaapod man na Bagong Kabeserang Teritoryo. An Parlamento kan Sri Lanka diyan namogtak poon pa kan nainaguraran na pormal an bagong edipisyo niya kan Abril 29, 1982.

Agi-agi[liwaton | liwaton an gikanan]

An baryo nin Darugama nakaag sa kasarapongan nin duwang sipi, an Diyawanna Oya asin an Kolonnawa Oya. An Darugama daa ligtas na pailihan asin bakong dalidali pwedeng laogon kan mga kaiwal. Huli kan saiyang kamogtakan, igdi an sarong dato nagngangaran Nissanka Alagakkonara nagtogdok nin kota na inapod Kotte (boot sabihon, kota') ngane ligtas siya sa anoman na paglusob kan Kahadean nin Jaffna ni Arya Chakaravarthi.[1]


An Kotte sarong jala durgha (kuta sa tubig), sa pormang triangulo, na kun saen an katangyanan kan Diyawanna Oya asin Kolonnaw Oya iyo an nagigin duwang halabaon na gilid niya; dangan sa ikatolong gilid (na mas halipot) daga na kun saen nagkalot nin dakulang kali. An kota' haros 2.5 km² (1 milya kw.) an hiwas, pinapusog nin mga sangki' na kagagapoan, na an langkaw niya 2.5 m asin an lakbang 10.7 m.[1]


Kan 1391, pakadaog asin pagkasakop kan kahadean nin Jaffna ni Prinsipe Sapumal (Sembahap Perumal), an Kottee binansagan na 'Sri Jayawardhanapura' ('namomolaag na siyudad nin kapangganahan'). Nagin ining kabesera kan lumang Kahadean nin Kotte na nagdanay an siring hanggan ika-16 na siglo.[2]

An mga Portuges nagdatong sa kapuroan kan 1505 asin enot'enot sinabat nin maogma kan hade. Alagad, sinda sinakop nin piritan asin pigkontrol an lugar kan taon 1565. Apesar siring, an mga Portuges binayaan an lugar huli sa daing ontok na paglusob kan mga pwersa kan kadolon na kahadean nin Sitawaka asin sinda nag'isog sa Colombo na iyo na an ginibo nindang kabesera.

An urbanisasyon kan Kottee nagpadagos kan ika-19ng siglo. An mga artifak arkeolohiko pigbuburungkal asin ginagamit na pantogdok, an iba ngane daa ginamit pa sa Tulay Victoria, sa ibong kan salog nin Kelani.

Lehislatura[liwaton | liwaton an gikanan]

An Bagong Parlamento pig'inaguraran kan Abril 29, 1982. Ini tinogdok sa tahaw nin sarong danaw na naporma huli sa paghonggad kan si katangyanan sa palibot kan Diyawanna Oya. An mga bagong edipisyo kan Parlamento tinogdok sa Duwa, oro-islang nagsusukol 50,000 metro kwadrado, na itinambak sa tahaw nanggad kan si danaw na naporma. Kan Abril 29, 1982, an complex nin mga edipisyo kan Parlamento pigdeklarang bukas na kan si dating presidente, si J.R. Jawardene.

An proseso nin pagrelokasyon kan mga institusyon nin gobyerno haleng Colombo pasiring igdi sa Kotte pasige pa.

Etniko asin Relihiyosong Pagbisto sa Sri Jayawardanapura Kotte [1]
2001 Porsentahe
Sinhalese 101,331 87.49%
Sri Lankang Tamil 6,583 5.68%
Indianong Tamil 786 0.68%
Sri Lankang Moor 4,031 3.48%
Burgher 1,367 1.18%
Malayu 919 0.79%
Sri Lankang Chetty 65 0.06%
Baratha 57 0.05%
Iba pa 687 0.59%
Total 115,826 100.00%
Budista 93,364
Hindu 4,550
Islam 5,465
Katoliko Romano 8,659
Ibang mga Kristiyano 3,618
Iba pa 170



Mga panluwas na takod[liwaton | liwaton an gikanan]

Gobyerno
Edukasyon
Historya

Toltolan[liwaton | liwaton an gikanan]