Sultan Naga Dimaporo, Lanao del Norte

Mapa kan Lanao del Norte na ipinapaheling an kinamomogtakan kan Sultan Naga Dimaporo

An Sultan Naga Dimaporo (Karomatan) sarong ikaapat na klaseng banwaan kan probinsya nin Lanao del Norte, Filipinas. Susog sa senso kan 2007, igwang 46,004 katawo na nageerok igdi.

Heograpiya

An Sultan Naga Dimaporo namomogtak sa sur-solnopan na parte kan probinsya nin Lanao del Norte. Kadolon kaini sa norte-solnopan an banwaan nin Picong, Sultan Gumander kan Lanao del Sur, sa solnopan an kadolon niya iyo an Tukuran asin an Aurora, pareho sakop kan Zamboanga del Sur. Sa harayong parte kan habagatan kan katubigan munisipal iyo an iswil kan IIllana Bay na naentra sa Dagat Celebes.

Mga Barangay

An Sultan Naga Dimaporo nababanga sa 37 barangay.

Bangaan Bangko Bansarvil II Bauyan Cabongbongan Calibao Calipapa Calube Campo Islam Capocao Dableston Dalama Dangolaan Ditago

Ilian Kauswagan Kirapan Koreo Lantawan Mabuhay Maguindanao Mahayahay Mamagum Mina Pandanan Payong Piraka

Pikalawag Pikinit Poblacion Ramain Rebucon Sigayan Sugod Tagulo Tantaon Topocon

Ekonomiya

An ekonomiya kan Sultan Naga Dimaporo sarig na gayo sa agrikultura asin pagsisira. Mayor na produkto sa agrikultura iyo an paroy, mais asin niyog. An pagsisira iyo an panhipno kan hanapbuhay kan mayoria kan populasyon igdi.

Anopaman na sekundryang aktibidad sa paghanapbuhay limitadong maray. Ini yaon mansana sa pagmolino kan bagas asin mais. An pagtindang sari-sari na patingi-tingi iyo an kadaklan na tindahan igdi.

Manongod sa pangangaipo sa puhunan, an solamenteng bangko igdi na nagtataong serbisyo pinansyal iyo an Rural Bank of Karomatan, na nakakaag sa Bauyan.

Mga panluwas na takod

• Philippine Standard Geographic Code
• 2000 Philippine Census Information
• Official site of Sultan Naga Dimaporo