Toshiaki Nishioka
Si Toshiaki Nishioka (西岡 利晃 Nishioka Toshiaki, namundag Hulyo 25, 1976) sarong propesyonal na boksyador na Hapon. Siya an WBC kampyon emeritus asin rinaranggong numero uno sa super bantamweight nin kinaban kan The Ring. Nabantog siya sa mga laban niya kontra ki Veeraphol Nakonluang-Promotion, sarong boksyador na Thai.
Si Nishioka namundag sa Kakogawa, Hyōgo, Hapon asin nagpoon magboksing sa edad na 10 sa pagsosonson kan saiyang ama. Nakua niya an amateur na rekord 10-2 asin sa enot niyang laban propesyonal kontra ki Yuko Shishido saiyang nabungaw ini sa enot pa sanang hornada kan Desyembre 11, 1994 duman sa Himeji, Hapon. Alagad sa ika-duwang laban niya, siya nabongaw man ni Masahiuko Nakamura asin labilabi siyang nabanog mala ta ilinuwas siya horantay sa kamilya. Surunod na mga laban niya iyo ki Veeraphol Sahaprom na an nakataya iyo an titulong WBC bantamweight duman sa Takasago, Hyōgo. Enot igdi nadaog siya, sumunod nagtabla siya, ikatolong laban ninda Veeraphol kan Oktobre 2003, siya nagtabla naman pero sarabi desisyon na nagpabor pa saiya. An ikaapat na laban niya sa parehong tawo kan Marso 2004, siya nadaog sa sarong desisyon na unanimo na grabe an baya niya sa puntos.
Si Nishioka nasikwit an WBC super bantamwieght kan saiyang inangat sa laban si Napapol Kiatisakchokchai, kan Taylandia duman sa Pacifico Yokohama kan Septyembrte 15, 2008. Si Veeraphol, na pinaglabanan niya apat na beses, asin iyo an coach ni Napapol, nagsakat pati sa ring kan siya nanggana asin siya inabrasa sa paghanga saiya.
Sa gabos-gabos, siya nag'atubang na sa 16 na pakibugtean kaya inaapod na siyang sarong tagasan na beterano sa boksing bago ining buntolan ninda ni Nonito Donaire nakatalaan sa Oktobre 13, 2012 duman sa Home Depot Center sa Carson, California. Sa mga laban niya poon 2004, dai pa siya nadaog.
Sa laban niya ki Donaire siya sinawsawan asin sa ika-9 na hurnada napalakma siya ni Donaire. Matapos an karera niya sa boksing, ta sinasabi niya ultimo na niya ining laban, sa rekord na 39-6-3.[1]
