Tulay Golden Gate

Gikan sa Bikol Sentral na Wikipedia, an talingkas na ensiklopedya
An Tulay Golden Gate (2007)
Mapa nagpapaheling kan kinamomogtan kan Tulay Golden Gate

An Tulay Golden Gate sarong kolganteng tulay na nabalagbag sa ngawngaw (inapod Golden Gate, bulawan na tata) kan Sola' nin San Francisco asin ini an natakod kan kalsada haleng siyudad nin San Francisco pasiring sa Marin County. Ini parte kan inaapod na U.S. Route 101 asin kan California State Route 1. An kolganteng tulay na ini saro sa pinakabantog na simbolo kan Estados Unidos asin kan Estado nin California asin deklarado bilang saro sa modernong Ngangalasan nin Kinaban kan American Society of Civiul Engineers. Tinaram kan Frommeers travel guide na an Tulay Golden Gate "iyo an pinakamagayon na gayod na tulay, asin pinaka'naretratong tulay nanggad sa bilog na kinaban." [1]


Pino'nan gibohon an tulay kan Enero 5, 1933 asin natapos mahaman kan Mayo 1937 sa total na gastos na $35 milyon, sarong gasto na sobra kahalangkaw sa panahon na idto, asin may dugang pang gasto sa interes na nag'abot $39 milyon alagad ini naademohan na sana sa mga toll na ibinabayad kan mga awto naagi igdi sa tulay. An proyektong ini kinaptan asin dagos na tinapos kan McClintic-Marshall Construction Co., sarong kasangang kumpanya kan Bethlehem Steel Corporation, tinogdas na Howard H. McClintic asin Charles D. Marshall, kapwa kan Unibersidad nin Lehigh.


Kan ini nahaman, an tulay Golden Gate iyo an may pinakahalabang pagkahunat sa bilog na kinaban, na nag'abot 4,200 pye (1,280.2m). Alagad, paglaog kan taon 1964, an kalabaan kaini nalampasan na sa rekord kan walong iba pang mga tulay. Pero, sa Estados Unidos, ini pa an ikaduwang pinakahalaba, nadaog sana kan Tulay Verrazano-Narrows sa Nweba York. An total na pagkahunat kaini, kaiba na an mga tinampong nasundo sa magkaibong na abutment kaini, naabot 8,981 pye (2,737 m). An duwang tokod kaini magkaibong kun saen nakahotay asin nababanting an mga kable na nagbabaton kan tulay mismo may langkaw na 692 na pye (211m), bagay na nagin pinakahalangkaw ini kan panahon na idto alagad poon 1998, nalampasan na sa langkaw kan mga tulay nahaman sa Denmark asin sa Hapon.


Mga panluwas na takod[baguhon | baguhon an source]


The height, depth, and length of the span from end to end.

Toltolan[baguhon | baguhon an source]